اسماعیل ہنیہ کی شہادت کے بارے میں بانی پی ٹی آئی کا بیان

?️ 2 اگست 2024

سچ خبریں: بانی پی ٹی آئی عمران خان نے حماس کے سیاسی بیورو کے سربراہ اسماعیل ہنیہ کی شہادت کو اسرائیل کی بربریت قرار دیا۔

قومی اسمبلی میں اپوزیشن لیڈر اور تحریک انصاف کے رہنما عمر ایوب نے اسلام آباد میں انسداد دہشتگردی عدالت کے باہر میڈیا سے گفتگو کرتے ہوئے کہا کہ بانی پی ٹی آئی نے اسماعیل ہنیہ کی شہادت کو اسرائیل کی بربریت قرار دیا ہے۔

یہ بھی پڑھیں: کیا اسماعیل ہنیہ کی شہادت کے بعد خطہ میں جنگ کا خطرہ بڑھ گیا ہے؟ مشاہد حسین سید کی زبانی

عمر ایوب نے کہا کہ ڈاکٹر یاسمین راشد علیل ہیں اور عالیہ حمزہ کو جھوٹے کیسز میں ملوث کیا جا رہا ہے، عالیہ حمزہ اور یاسمین راشد بیمار ہیں اور اسپتال میں زیر علاج ہیں، بلوچستان میں ڈاکٹر ماہرنگ بلوچ کے ساتھ جو ہو رہا ہے، وہ نہیں ہونا چاہیے۔

انہوں نے مزید کہا کہ سندھ سے بھی عالیہ حمزہ کو جھوٹے کیسز میں پھنسایا جا رہا ہے۔ کراچی میں ہمارے کارکنوں کو گرفتار کیا گیا اور ان پر بوگس کیسز بنائے گئے، آصف زرداری اور وزیراعلیٰ سن لیں، آپ کا فراڈ پوری دنیا نے دیکھ لیا ہے۔

مزید پڑھیں: اسماعیل ہنیہ کی شہادت پر قومی اسمبلی کا ردعمل

عمر ایوب نے کہا کہ توشہ خانہ کیس میں کچھ نہیں نکلا، عدت کیس میں بانی پی ٹی آئی بری ہو چکے ہیں اور 190 ملین پاؤنڈ کیس کا کوئی جواز نہیں بنتا۔