بیت حانون آپریشن؛ صہیونی تجزیہ کار حیران، فلسطینی مجاہدین کی کامیاب حکمت عملی

سچ خبریں:فلسطین میں بیت حانون کے قریب فلسطینی مزاحمتی تحریک کے کامیاب حملے نے اسرائیلی تجزیہ کاروں کو حیرت زدہ کر دیا۔

 فلسطین الیوم کی رپورٹ کے مطابق صہیونی ماہرین کے مطابق یہ کارروائی نہ صرف تکنیکی طور پر پیچیدہ تھی بلکہ اسرائیلی فوج کے انٹیلی جنس نظام کی کمزوری کو بھی بے نقاب کرتی ہے۔

رپورٹ کے مطابق، بیت حانون (غزہ) میں فلسطینی مزاحمتی تحریک کے حالیہ کامیاب آپریشن پر صہیونی تجزیہ کار تاحال حیرت کا اظہار کر رہے ہیں، چند گھنٹے گزر جانے کے باوجود اسرائیلی میڈیا اور ماہرین اس سنگین ضربہ سے سنبھل نہیں سکے جس میں پانچ اسرائیلی فوجی مارے گئے۔

یہ بھی پڑھیں: صیہونی اپنی فوجی ہلاکتوں کی صحیح تعداد کیوں نہیں بتاتے؟

اسرائیلی ریڈیو کے تجزیہ کار دورون کدوش نے کہا کہ یہ سیکیورٹی واقعہ، جو بیت حانون کے حائل علاقے میں، دیوارِ سرحد سے دو کلومیٹر اور سدیروت شہر سے تین کلومیٹر دور پیش آیا، نے فوج کو بری طرح ہلا کر رکھ دیا ہے۔

 انہوں نے کہا کہ یہ علاقہ ایک سال سے زائد عرصے سے اسرائیلی فوج کے کنٹرول میں تھا اور حتیٰ کہ جنگ بندی اور اسیران کی رہائی کے دوران بھی فوج یہاں سے نہیں نکلی تھی۔

کدوش نے سوال اٹھایا کہ ایسی جگہ پر جہاں فوج کا مکمل انٹیلیجنس کنٹرول ہے، فلسطینی مزاحمت کی ایک چھوٹی ٹیم کس طرح نہ صرف علاقے تک پہنچ گئی بلکہ چار دیسی ساختہ بم اور ایک ریموٹ کنٹرول ڈٹونیٹر لگا کر کامیاب حملہ کر گئی؟

عبری زبان کے ملٹری تجزیہ کار امیر بوخبوط نے بھی اعتراف کیا کہ فلسطینی مجاہدین نے نہ صرف بم نصب کیا بلکہ اس کے لئے جدید آلات اور نائٹ وژن کا استعمال کیا۔

مزید پڑھیں: غزہ صیہونیوں کے لیے ایسا جہنم ہے جس سے باہر نکلنا ممکن نہیں

 اس کے علاوہ انہوں نے اسرائیلی فوجیوں کی نقل و حرکت کو طویل عرصے تک انتہائی باریکی سے مانیٹر کیا تھا، جو اس پیچیدہ آپریشن کی بڑی کامیابی کی نشانی ہے۔