غزہ میں صیہونی فوج پر نئی کاری ضرب 

سچ خبریں:فلسطینی مزاحمتی گروہ سرایا القدس نے غزہ میں اسرائیلی فوج پر ضدزَرہ بم اور راکٹ حملے کیے، ساتھ ہی الشجاعیہ میں اسرائیلی ڈرون پر بھی قبضہ کیا، خان یونس اور دیگر علاقوں میں حالیہ حملوں سے اسرائیلی نقصانات میں بے مثال اضافہ ہوا ہے۔

شہاب خبر رساں ایجنسی کی رپورٹ کے مطابق، فلسطینی مزاحمتی گروہ سرایا القدس (قدس بریگیڈز) نے اعلان کیا ہے کہ انہوں نے غزہ کے مشرقی علاقے الشجاعیہ میں اسرائیلی فوجی سازوسامان کو بمبِ ضدزَرہ سے تباہ کر دیا اور ایک اسرائیلی ڈرون پر قبضہ بھی کر لیا ہے۔

یہ بھی پڑھیں:بیت حانون آپریشن؛ صہیونی تجزیہ کار حیران، فلسطینی مجاہدین کی کامیاب حکمت عملی

قدس بریگیڈز نے مزید کہا کہ خان یونس کے علاقے المارس کی ایک گلی میں انہوں نے 107 ملی میٹر راکٹ سے اسرائیلی خصوصی دستوں کو نشانہ بنایا، جو ایک گھر میں گھات لگائے بیٹھے تھے۔

واضح رہے کہ جب سے اسرائیل نے غزہ میں "ارابۂ گدعون” آپریشن شروع کیا ہے، اس کے بعد سے اسرائیلی نقصانات میں ریکارڈ اضافہ ہوا ہے اور خان یونس و شجاعیہ میں مزاحمتی کارروائیوں کا سلسلہ تیز ہو گیا ہے۔

خصوصاً چند روز قبل خان یونس میں ایک اسرائیلی بکتر بند گاڑی کو تباہ کرنے کے نتیجے میں 16 فوجی مارے گئے۔ ان تمام آپریشنز میں فلسطینی مزاحمتی تحریک نے غیر معمولی جرات اور حکمت عملی کا مظاہرہ کیا، جو تاحال جاری ہے۔

مزید پڑھیں: غزہ صیہونیوں کے لیے ایسا جہنم ہے جس سے باہر نکلنا ممکن نہیں

حالیہ ہفتوں کے دوران، غزہ میں زمینی و عملیاتی سطح پر متعدد واقعات پیش آئے ہیں جنہوں نے اسرائیلی فوج کے حوصلے کو شدید متاثر کیا ہے۔ اسی باعث کئی اسرائیلی فوجی نہ صرف جنگ سے بیزار ہو چکے ہیں بلکہ کچھ ریزرو فورسز میں شمولیت سے بھی انکار کر رہے ہیں۔