ایکس پلیٹ فارم کا اہم تبدلیلی کرنے کا اعلان

?️ 20 جون 2024

سچ خبریں: ایکس نے سوشل میڈیا صارفین کے لیے ایک اہم تبدیلی کا اعلان کیا ہے جو ان کے لیے دلچسپی کا باعث بن سکتی ہے۔

ذرائع ابلاغ کی رپورٹ کے مطابق، ایکس نے اپنے پلیٹ فارم پر لائکس کے آپشن کو ہائڈ کرنے کا نیا قدم اٹھایا ہے۔

ایکس صارفین میں جہاں یہ تجسس بڑھ رہا ہے، وہیں اس نئی تبدیلی پر جلد ہی عمل درآمد ہونے جا رہا ہے۔ اس تبدیلی کے بعد صارفین ایک دوسرے کے لائکس بٹن کو دیکھنے سے محروم ہو جائیں گے۔

یہ بھی پڑھیں:ایکس پر عریاں مواد شائع کرنے کی باضابطہ اجازت

ایکس کی انجینئرنگ ٹیم نے بدھ کے روز اعلان کیا تھا کہ آج سے لائکس ہر ایک کے لیے پرائیوٹ ہو جائیں گے۔

ٹیم کا کہنا تھا کہ زیادہ پوسٹس کو لائک کرنے سے آپ کی ٹائم لائن کو بہتر بنایا جا سکے گا۔ اس تبدیلی کا مقصد یہ ہے کہ صارفین لائکس کی تعداد کی بجائے اپنی ذاتی پسند اور سمجھ بوجھ کی بنا پر پوسٹس کو لائک کریں۔

ادارے نے بتایا کہ یہ تبدیلی بہت جلد نافذ کی جائے گی۔

واضح رہے کہ لائکس کو ہائڈ کرنے کا آپشن پہلے ہی ایکس پر موجود تھا، جو صارفین ماہانہ 8 ڈالرز (تقریباً 2 ہزار پاکستانی روپے) یا سالانہ 84 ڈالرز (تقریباً 23 ہزار 500 پاکستانی روپے) ادا کر کے حاصل کر سکتے تھے۔

مزید پڑھیں: ٹوئٹر کا یو آر ایل تبدیل ہوکر ایکس ڈاٹ کام بن گیا

تاہم گزشتہ ماہ، ایکس کے انجینئیرنگ ڈائریکٹر ہاؤفی وانگ نے تصدیق کی تھی کہ وہ جلد ہی اسے تمام صارفین کے لیے ڈیفالٹ سیٹنگ بنا دیں گے۔ ہاؤفی نے مزید کہا تھا کہ عوامی لائکس غلط برتاؤ کی حوصلہ افزائی کرتے ہیں، مثال کے طور پر، کئی افراد ایسے پوسٹس کو لائک نہیں کرتے جن سے انہیں ٹرولنگ کا سامنا ہو۔