ونزوئلا 30 سے 50 ملین بیرل تیل امریکہ کو فراہم کرے گا:ٹرمپ

?️ 8 جنوری 2026

سچ خبریں:ڈونلڈ ٹرمپ نے دعویٰ کیا ہے کہ ونزوئلا 30 سے 50 ملین بیرل تیل امریکہ کو فراہم کرے گا اور تیل کی قیمت مارکیٹ کے مطابق ہو گی اور اس کی آمدنی پر ان کا مکمل کنٹرول ہو گا۔

الجزیرہ نیوز چینل کی رپورٹ کے مطابق امریکی صدر ڈونلڈ ٹرمپ نے کہا کہ ونزوئلا کی عبوری حکومت کے حکام 30 سے 50 ملین بیرل پابندیوں کا شکار تیل واشنگٹن کو فراہم کریں گے۔

یہ بھی پڑھیں:وینزویلا کے خلاف ٹرمپ کی پیشگی منصوبہ بند جارحیت پر ردِعمل کیا ہونا چاہیے؟

ٹرمپ نے مزید کہا کہ جو تیل ونزوئلا سے حاصل کیا جائے گا، وہ مارکیٹ کی قیمت پر بیچا جائے گا اور میں بطور امریکی صدر اس کی آمدنی کے انتظام پر مکمل نظر رکھوں گا۔

انہوں نے یہ بھی کہا کہ میں نے وزیر توانائی کو فوری طور پر اس منصوبے کو شروع کرنے کی ہدایت دے دی ہے، اور تیل کو تیل بردار جہازوں کے ذریعے منتقل کیا جائے گا اور امریکہ کے بندرگاہوں تک پہنچایا جائے گا۔

اسی دوران، روئٹرز نے اپنے ذرائع کے حوالے سے رپورٹ دی کہ ٹرمپ انتظامیہ نے ونزوئلا کے وزیر داخلہ کو خبردار کیا ہے کہ اگر وہ تعاون نہیں کرتے تو انہیں امریکہ کے ممکنہ اہداف میں شامل کیا جا سکتا ہے۔

رپورٹ کے مطابق، واشنگٹن نے ثالثوں کے ذریعے وزیر داخلہ ونزوئلا کو خبردار کیا ہے کہ ان کا کسی بھی قسم کا مزاحمت کرنا ان کی جان کے لیے خطرہ بن سکتا ہے، یا انہیں اسی طرح کے انجام کا سامنا ہو سکتا ہے جیسا کہ صدر نکولس مادورو کا ہوا تھا۔

اس کے علاوہ، روئٹرز کے ذرائع نے بتایا کہ امریکہ کی ممکنہ اہداف کی فہرست میں ونزوئلا کے وزیر دفاع کا نام بھی شامل ہے، جن پر واشنگٹن نے منشیات کی اسمگلنگ کا الزام عائد کیا ہے۔

امریکی نیوز طینل ای بی سی نے بھی اپنے ذرائع کے حوالے سے اطلاع دی کہ ٹرمپ انتظامیہ نے ونزوئلا کی عبوری صدر، ڈیلسی روڈریگیز کو بتایا ہے کہ تیل کی پیداوار بڑھانے کے لیے وہ کئی شرائط کو پورا کریں۔

رپورٹ کے مطابق، واشنگٹن کی جانب سے ایک شرط یہ رکھی گئی ہے کہ ونزوئلا کو چین، روس، ایران اور کوبا کے ساتھ اپنے اقتصادی تعلقات ختم کرنے ہوں گے۔

مزید پڑھیں:ٹرمپ: وینزویلا میں امریکی تیل کمپنیوں کے اخراجات کی تلافی کی جائے گی

ای بی سی نے مزید کہا کہ امریکہ نے شرط رکھی ہے کہ کاراکاس کو تیل کی پیداوار کے لیے واشنگٹن کے ساتھ خصوصی شراکت داری قبول کرنی ہو گی۔