اسرائیلی قیدیوں کے معاملے پر ٹرمپ کا صبر ختم ہو چکا ہے!:امریکی وزیر خارجہ

?️ 6 مارچ 2025

سچ خبریں:امریکی وزیر خارجہ مارک روبیو نے خبردار کیا ہے کہ ڈونلڈ ٹرمپ غزہ میں قید اسرائیلیوں کے مسئلے پر مزید انتظار کرنے کے لیے تیار نہیں اور حماس کو امریکی صدر کی دھمکی کو سنجیدگی سے لینا چاہیے۔

یہ بھی پڑھیں:ٹرمپ کی واپسی اور نیتن یاہو کی جنگی چال؛ کیا نیا امریکی صدر اسرائیلی مقاصد کا شکار ہوگا؟

الجزیرہ نیوز چینل کی رپورٹ کے مطابق کے مطابق، امریکی صدر ٹرمپ نے حماس کے خلاف سخت مؤقف اختیار کرتے ہوئے کہا ہے کہ اگر اسرائیلی قیدیوں کو فوری طور پر رہا نہ کیا گیا تو سنگین نتائج بھگتنا ہوں گے۔امریکی وزیر خارجہ مارک روبیو نے فاکس نیوز کو انٹرویو دیتے ہوئے کہا کہ مجھے امید ہے کہ حماس وہی کرے گی جو صدر ٹرمپ نے ان سے مطالبہ کیا ہے، ٹرمپ اسرائیلی قیدیوں کے معاملے پر مزید صبر نہیں کریں گے،حماس کو معلوم ہونا چاہیے کہ ٹرمپ جب کوئی بات کرتے ہیں، تو وہ اسے حقیقت میں بدلنے کی صلاحیت رکھتے ہیں۔

مزید پڑھیں:ٹرمپ جیسی بیان بازیوں اور اسرائیل کے ساتھ تعلقات برقرار رکھنے کے حربے تک؛ اردغان کی چالیں

یاد رہے کہ ڈونلڈ ٹرمپ نے گزشتہ رات ایک غیرمعمولی بیان میں کہا کہ حماس کو فوراً تمام اسرائیلی قیدیوں کو رہا کرنا ہوگا اور ہلاک شدگان کی لاشیں واپس کرنی ہوں گی، ورنہ انہیں سنگین نتائج کا سامنا کرنا پڑے گا،امریکی صدر نے دعویٰ کیا کہ یہ بحران حل کرنے کا وقت آ چکا ہے، اور اب مزید تاخیر ناقابل قبول ہے۔