ٹرمپ ایک ایسے دلدل میں پھنس گئے ہیں جس سے نکلنے کا راستہ نہیں جانتے:جرمن میگزین

?️ 4 مئی 2026

سچ خبریں:جرمن میگزین ڈیر اشپیگل کے مطابق، ڈونلڈ ٹرمپ نے ایران کے خلاف ایک جنگ شروع تو کر دی لیکن اب وہ اسے ختم کرنے سے قاصر ہیں۔ ٹرمپ دفاعی پوزیشن میں آ گئے ہیں اور ان کے پاس کوئی قابل قبول راہ فرار نہیں ہے۔

جرمن میگزین اشپیگل نے ایک تجزیے میں لکھا ہے کہ ٹرمپ موجودہ جنگ سے نکلنے کا راستہ نہیں جانتے جس کے وہ خود آغازگر تھے۔

جریدہ ڈیر اشپیگل نے ایران کے خلاف جنگ میں امریکی صدر ڈونلڈ ٹرمپ کو درپیش تعطل کا حوالہ دیتے ہوئے لکھا: ٹرمپ نے ایک جنگ شروع کی ہے جسے وہ ختم کرنے کے قابل نہیں رہے، اور اس وقت اس دلدل سے نکلنے کا کوئی بھی آپشن قابل قبول نہیں ہے۔

اس میگزین نے اس حقیقت کو نظر انداز کرتے ہوئے کہ امریکی-صیہونی جنگ کی وجہ سے ایران نے آبنائے ہرمز کو جنگ افروزوں اور ان کے اتحادیوں کی کشتیوں کے لیے بند کر دیا، مزید کہا: ایران عالمی معیشت پر حملہ کر رہا ہے اور ٹرمپ دفاعی پوزیشن میں آ گئے ہیں۔

جرمن میگزین نے اعتراف کیا کہ اس جنگ کی وجہ سے مغرب کے دشمن مزید دلیر ہو گئے ہیں۔

اشپیگل نے مزید کہا: پہلے ہفتوں میں، ٹرمپ نے یہ تاثر پیدا کیا کہ وہ اس جنگ کو کسی بھی وقت ختم کر سکتے ہیں، لیکن ایسا نہیں ہوا۔