صیہونی حکام کی اپنے قیدیوں کی ہلاکت سے بچنے کی کوشش

10 جون 2024

سچ خبریں: صیہونی فوج کے ترجمان نے غزہ میں صیہونی قیدیوں کی ہلاکت کی رپورٹ کو مسترد کر دیا۔

الجزیرہ نیوز چینل کی رپورٹ کے مطابق صیہونی حکومت کی نصیرات میں کل کی کارروائی، جس میں ایک ہزار سے زیادہ فلسطینی ہلاک اور زخمی ہوئے، آخر کار چار صیہونی قیدیوں کی رہائی کے ساتھ ختم ہوئی۔ اس کارروائی کی تل آویو کو بھاری قیمت چکانا پڑی۔

مزید پڑھیں: صیہونی شہری اپنے قیدیوں کی رہائی کے لیے کیا کر رہے ہیں؟

حماس کی تازہ رپورٹ کے مطابق صیہونی فوج کی گزشتہ روز کی کارروائی میں مزید تین صیہونی قیدی ہلاک ہوئے ہیں جن میں سے ایک امریکی شہری ہے جس کی وجہ سے اب ایک بار پھر نیتن یاہو کی اتحادی کابینہ پر قیدیوں کے خاندانوں کی طرف سے اندرونی دباؤ اور بین الاقوامی دباؤ بڑھ سکتا ہے۔

صیہونی فوج کے ترجمان پیٹر لرنر نے حماس کی رپورٹ کے رد عمل میں مزید تفصیلات فراہم کیے بغیر کہا کہ ہمارے فوجی آپریشن میں کوئی بھی قیدی ہلاک نہیں ہوا اور حماس کے نئے دعوے محض پروپیگنڈا ہیں۔

انہوں نے مزید کہا کہ حماس کی طرف سے اس طرح کی کارروائیاں صرف نفسیاتی جنگ کے مقصد سے کی جاتی ہیں اور اس کا مقصد ہمارے شہریوں میں خوف و ہراس پیدا کرنا ہے، میں نے ہمیشہ کہا ہے کہ حماس کی کسی بھی بات کو شک کی نگاہ سے دیکھنا چاہیے۔

مزید پڑھیں: صیہونی قیدیوں کی رہائی میں نیتن یاہو کی ناکامی

اگرچہ اس صیہونی اہلکار نے حماس کی رپورٹ کو مسترد کر دیا ہے، لیکن خود صیہونی حکومت کے انٹیلی جنس حکام کی رپورٹ سے پتہ چلتا ہے کہ غزہ میں آپریشن اور بمباری کے دوران متعدد صیہونی قیدی ہلاک ہو چکے ہیں۔