شامی فوج کے فضائی دفاعی نظام کے ہاتھوں صہیونی جارحیت ناکام

?️ 26 اکتوبر 2024

سچ خبریں:شامی فوج کے فضائی دفاع نے آج صبح صہیونی حکومت کی فضائی جارحیت کا کامیابی سے مقابلہ کیا، جس کے دوران متعدد میزائل حملوں کو ناکام بنایا گیا۔

شام کی سرکاری خبر رساں ایجنسی کی رپورٹ کے مطابق، ایک فوجی ذرائع نے بتایا کہ آج صبح تقریباً 2 بجے صہیونی حکومت نے شام کے خلاف فضائی حملہ کیا۔

یہ بھی پڑھیں: دمشق پر صیہونیوں کا فضائی حملہ؛شامی دفاعی نظام نے حملہ پسپا کر دیا

ان حملوں کے دوران مقبوضہ جولان کی پہاڑیوں سے شام کے جنوبی اور مرکزی علاقوں میں واقع عسکری مقامات کو نشانہ بنانے کے لیے کئی میزائل داغے گئے۔

فوجی ذرائع نے تصدیق کی کہ شامی فوج کے فضائی دفاع نے فوری رد عمل دکھایا اور ان میں سے کئی میزائلوں کو روک لیا جبکہ متعدد میزائلوں کو تباہ کر دیا گیا۔

مزید پڑھیں: شامی دفاعی سسٹم کا لاذقیہ پر ہونے والے صیہونیوں کے حملے کا مقابلہ

عربی میڈیا نے پہلے ہی شام کے مختلف علاقوں میں دھماکوں کی آوازیں سنے جانے کی اطلاعات دی تھیں، جو ان فضائی حملوں کا نتیجہ تھیں۔