دمشق پر صیہونیوں کا فضائی حملہ؛شامی دفاعی نظام نے حملہ پسپا کر دیا

?️ 3 ستمبر 2021

سچ خبریں:شامی ذرائع ابلاغ نے صہیونی حکومت کے دمشق کے مضافات میں فضائی حملوں اور شامی فوج کے دفاعی محاذ آرائی کی اطلاع دی۔
اسرائیلی جنگی طیاروں نے آج (جمعہ) صبح دمشق کے مضافات میں متعد علاقوں پر بمباری کی ، لیکن شامی فوج کے فضائی دفاعی نظام دارالحکومت پر داغے گئے زیادہ تر میزائلوں کو تباہ کرنے میں کامیاب رہے، شام کے ایک فوجی ذرائع نے بتایا کہ جمعہ کو 01:26 بجے صیہونی دشمن نے جنوب مشرقی بیروت سے دمشق شہر کے آس پاس کے کچھ علاقوں کو نشانہ بنایا ، لیکن شامی فوج کے فضائی دفاع نے فائر کیے گئے زیادہ تر میزائلوں کو مار گرایا۔

شامی فوج سے وابستہ اس فوجی ذریعے کے مطابق صیہونی دشمن کے کل رات کے حملے سے صرف مادی نقصان ہوا اور کوئی جانی نقصان نہیں ہوا، کچھ شامی ذرائع نے بتایا کہ کم از کم پانچ اسرائیلی میزائلوں کو شامی S-200 دفاعی نظام نے زمین پر گرنے سے پہلے مار گرایا۔

المیادین نے عبرانی ذرائع ابلاغ کے حوالے سے خبر دی ہے کہ شامی فضائی دفاع کو فعال کرنے کے بعد تل ابیب کے علاقے غوش دان میں دھماکے کی آواز سنی گئی،عبرانی ذرائع کے مطابق شامی دفاعی نظام کے میزائلوں میں سے ایک میزائل مقبوضہ فلسطین کے ساحل کے قریب گرا جس کی وجہ سے مقبوضہ علاقوں کے مرکز میں دھماکے ہوئے۔

صہیونی چینل 13 کے نامہ نگار الون بن دافید نے کہا کہ وسطی اسرائیل میں دھماکوں کی وجہ تل ابیب کے سمندر میں شامی دفاعی نظام کے میزائل گرنے کی وجہ سے الارم بھی نہیں بجا، اس حوالے سے اسرائیلی میڈیا ایکٹیوسٹ ایلزبتھ سورکوف نے اپنے ٹوئٹر پیج پر لکھا ہے کہ شامی طیارہ شکن میزائل بحیرہ روم میں تل ابیب کے شہری علاقے سے گزرنے کے بعد پھٹ گیا۔