ایران کے خلاف صیہونی جارحیت پر سعودی عرب کا ردعمل

?️ 26 اکتوبر 2024

سچ خبریں:سعودی عرب کی وزارت خارجہ نے صہیونی حکومت کی جانب سے ایران پر کیے گئے حملے کی سخت الفاظ میں مذمت کرتے ہوئے اسے ایران کی خودمختاری کی خلاف ورزی قرار دیا گیا۔

الجزیرہ نیوز چینل کی رپورٹ کے مطابق، سعودی وزارت خارجہ نے گزشتہ رات صہیونی حکومت کی جانب سے ایران کی فضائی حدود میں کیے جانے والے حملے پر اپنے ردعمل کا اظہار کیا۔

یہ بھی پڑھیں: ایران کے فضائی دفاع کی کامیاب کارکردگی اور ہوشیاری؛عربی میڈیا کی رپورٹ

سعودی وزارت خارجہ نے کہا کہ ہم ایران پر فوجی حملے کی شدید مذمت کرتے ہیں۔

اس بیان میں مزید کہا گیا کہ یہ حملہ ایران کی خودمختاری کی خلاف ورزی ہے اور بین الاقوامی قوانین اور اصولوں کے صریح خلاف ہے۔

سعودی عرب نے عالمی برادری سے مطالبہ کیا کہ وہ اس قسم کی جارحیت کی روک تھام کے لیے فوری اقدامات کرے۔

مزید پڑھیں: ایران میں دنیا کے سب سے بڑے دفاعی نظام کو شکست دینے کی طاقت

واضح رہے کہ ایرانی فضائی دفاع نے مکمل ہوشیاری کے ساتھ دشمن کی جارحیت کا پتہ لگایا اور انہیں ایران کی فضائی حدود میں داخل ہوتے ہی ناکام بنا دیا۔

یاد رہے کہ اس سے پہلے عربی میڈیا نے ایران پر حملے صیہونی حکومت کی ناکامی پر مبنی رپورٹ پیش کی ہیں۔