شہید سید حسن نصراللہ کی تاریخی تشییع جنازے نے حزب اللہ کی طاقت ثابت کر دی:عطوان

?️ 25 فروری 2025

سچ خبریں:علاقائی سیاست کے معروف تجزیہ کار عبدالباری عطوان نے حزب اللہ کے رہنماؤں سید حسن نصراللہ اور سید ہاشم صفی الدین کے جنازے میں عوام کے تاریخی اجتماع کو ان تمام قوتوں کے لیے واضح پیغام قرار دیا ہے جو حزب اللہ کی طاقت کو کمزور کرنے کا خواب دیکھ رہی تھیں۔

حزب اللہ کے خاتمے کی خوش فہمی دم توڑ گئی
رائے الیوم کے چیف ایڈیٹر اور علاقائی سیاست کے معروف تجزیہ کار عبدالباری عطوان نے اپنے تازہ ترین اداریے میں لکھا کہ بیروت میں لاکھوں افراد کا اجتماع ان تمام عرب اور صیہونی آوازوں کے لیے زور دار جواب تھا جو سمجھتے تھے کہ لبنان میں اسلامی مزاحمتی تحریک کمزور ہو چکی ہے ۔

انہوں نے کہا کہ:
– یہ جنازہ 1970 میں مصر میں جمال عبدالناصر کی تدفین کے موقع پر جمع ہونے والے عظیم الشان عوامی ہجوم کی یاد دلاتا ہے۔

یہ بھی پڑھیں: سید حسن نصر اللہ کے جنازے سے بھی دشمنوں کی صفوں میں خوف و ہراس

– شہید سید حسن نصراللہ نے حزب اللہ کی قیادت کرتے ہوئے تاریخی فتوحات حاصل کیں، جن میں 2000 میں جنوبی لبنان سے اسرائیلی افواج کو ذلت آمیز پسپائی پر مجبور کرنا اور 2006 کی جنگ میں اسرائیلی فوج اور مرکاوا ٹینک کے ناقابل شکست ہونے کے دعوے کو خاک میں ملانا شامل ہیں۔

مزاحمت کا احیاء اور نئی قوت کے ساتھ واپسی
– یہ جنازہ حزب اللہ کی بحالی اور نئی طاقت کے ساتھ واپسی کا اعلان تھا۔
– بیروت میں لبنان، فلسطین، عراق، یمن، الجزائر اور ایران کے پرچموں کا لہرایا جانا، محورِ مزاحمت کی یکجہتی اور غزہ کی حمایت کے مضبوط عزم کی علامت ہے۔

– فلسطین، جس کی آزادی کے لیے سید حسن نصراللہ نے اپنی جان دی، آج بھی امریکی-اسرائیلی اور عرب سازشوں کے خلاف کھڑا ہے اور اس مزاحمتی راستے سے پیچھے ہٹنے کے لیے تیار نہیں۔

عبدالباری عطوان نے افسوس کا اظہار کرتے ہوئے لکھا کہ:
– عرب حکومتوں کے رہنما اس تاریخی جنازے میں شریک نہیں ہوئے کیونکہ وہ واشنگٹن اور تل ابیب کے دباؤ میں ہیں۔

– جب وہ 500 دن سے زائد عرصے سے غزہ میں جاری قتلِ عام کے دوران خاموش تماشائی بنے رہے اور کفن تک نہ بھیج سکے، تو پھر ان سے شہداء کی عزت و تکریم کی توقع رکھنا فضول ہے!

شیخ نعیم قاسم کا دوٹوک پیغام؛ مزاحمت ختم نہیں ہوئی
حزب اللہ کے نائب سربراہ شیخ نعیم قاسم کی تقریر میں دو اہم نکات پر زور دیا گیا:
1. امریکہ کبھی بھی لبنان پر اپنی مرضی نہیں تھوپ سکتا اور جو کچھ وہ جنگ میں حاصل نہ کر سکا وہ دباؤ کے ذریعے بھی نہیں لے سکتا۔
2. مزاحمت ختم نہیں ہوئی، بلکہ وہ اسرائیلی دشمن کے ساتھ مزید مقابلے کے لیے تیار ہے۔

مزاحمت کا نیا مرحلہ؛ نئی نسل تیار ہے
– شیخ نعیم قاسم نے واضح کیا کہ فلسطین، حزب اللہ کی مزاحمت کا مرکز رہے گا اور امریکہ کے فلسطینیوں کو بے دخل کرنے کے منصوبے کو ہر قیمت پر ناکام بنایا جائے گا۔

مزید پڑھیں: شہید حسن نصراللہ کی تشییع جنازہ پر صیہونی جنگی طیاروں کی پرواز؛لبنانیوں کے عزم پر صیہونی اخبار کی حیرت

– ان کے بیان میں جوش و جذبہ اور ایک نئی حکمت عملی واضح تھی، جو اس بات کی تصدیق کرتی ہے کہ حزب اللہ مزاحمتی ڈھانچے کی تنظیم نو مکمل کر چکا ہے۔
– نئی نسل تیار ہے اور قیادت کے حکم کی منتظر ہے۔