ہمارے اوپر راکٹوں اور میزائلوں کی بارش ہوئی:صیہونی فوج

?️ 23 ستمبر 2024

سچ خبریں: صیہونی فوج نے اعتراف کیا ہے کہ ہمارے اوپر لبنان اور عراق سے 150 راکٹ، کروز میزائل اور ڈرون حملے ہوئے ہیں

آناتولی خبر رساں ادارے کی رپورٹ کے مطابق صہیونی فوج نے اتوار کے روز ایک بیان جاری کرتے ہوئے تسلیم کیا کہ حزب اللہ نے رات بھر اسرائیلی علاقوں کو راکٹوں، کروز میزائلوں اور ڈرونز سے نشانہ بنایا ہے۔

یہ بھی پڑھیں: کیا حالیہ دھماکوں سے اسرائیل کے خلاف حزب اللہ کے حملے رک گئے ہیں؟ صیہونی میڈیا کا اعتراف

بیان میں مزید کہا گیا کہ عراق سے بھی مقبوضہ فلسطینی علاقوں کی جانب میزائل داغے گئے جنہوں نے مختلف اہداف کو نشانہ بنایا۔

بیان کے مطابق مجموعی طور پر 150 راکٹ، کروز میزائل اور ڈرون اسرائیل پر حملے کے لیے استعمال کیے گئے، جن میں سے کچھ اپنے اہداف پر لگے اور اس کے نتیجے میں کئی صہیونی شہری زخمی ہوئے، جبکہ متعدد املاک کو بھی نقصان پہنچا۔

مزید پڑھیں: اسرائیلی فضائیہ حزب اللہ کی فائر کی زد میں

میڈیا رپورٹ کے مطابق، زخمی ہونے والے بعض صہیونیوں کو مقبوضہ حیفا کے رامبام میڈیکل کمپلیکس اسپتال منتقل کیا گیا ہے، تاھم اس سلسلہ میں مزید تفصیلات منظر عام پر نہیں آئی ہیں اس لیے کہ صیہونی حکومت سختی سے خبروں کو سنسر کر رہی ہے۔