نیتن یاہو کے جنگ‌ طلبانہ بیانات

?️ 19 اکتوبر 2025

سچ خبریں:صیہونی وزیر اعظم بنیامین نیتن یاہو نے اعلان کیا ہے کہ غزہ کی جنگ ابھی ختم نہیں ہوئی اور صیہونی فورسز شام میں اپنی موجودگی برقرار رکھیں گی۔

الجزیرہ نیوز چینل کی رپورٹ کے مطابق، صیہونی وزیر اعظم بنیامین نیتن یاہونے اپنے تازہ ترین جنگ‌طلبانہ بیانات میں دعویٰ کیا ہے کہ غزہ کی جنگ ابھی ختم نہیں ہوئی اور اسرائیل شام کے اندر اپنی فوجی موجودگی جاری رکھے گا۔

نیتن یاہو نے صیہونی چینل ۱۴ سے گفتگو میں کہا کہ جنگ اس وقت ختم ہوگی جب دوسرے مرحلے کا معاہدہ مکمل ہو جائے اور حماس مکمل طور پر غیرمسلح ہو۔

یہ بھی پڑھیں:غزہ میں جنگ بندی کے معاہدے پر یورپی ممالک کا ردعمل

انہوں نے ایران اور مزاحمتی محاذ کے بارے میں پرانے الزامات دہراتے ہوئے دعویٰ کیا کہ ہم نے ایران کے متعدد اعلیٰ فوجی کمانڈروں کو ختم کر دیا ہے، لیکن خطرہ ابھی باقی ہے۔

تجزیہ کاروں کے مطابق، نیتن یاہوکے یہ بیانات ایسے وقت میں سامنے آئے ہیں جب عالمی سطح پر اسرائیل کی اعتباری شکست، خصوصاً ایران اور مزاحمتی قوتوں کے جوابی حملوں کے بعد، تل‌ابیب کی حکمت عملی کو شدید دباؤ کا سامنا ہے۔

نیتن یاہو کا حماس کے خلعِ سلاح پر اصرار ایسے وقت میں سامنے آیا ہے جب حماس کے رہنما بارہا کہہ چکے ہیں کہ وہ اپنی مزاحمتی صلاحیتوں سے کبھی دست‌بردار نہیں ہوں گے۔

چند روز قبل، موسیٰ ابو مرزوق جو حماس کی سیاسی بیورو کے سینئر رکن ہیں نے ایک ٹی وی انٹرویو میں واضح کہا کہ کوئی شخص اتنی جرأت نہیں رکھتا کہ فلسطینی قوم کو غیرمسلح کرے۔

نیتن یاہو نے گفتگو کے دوران شام کے بارے میں بھی کھلی مداخلت‌پسندانہ پالیسی کا اظہار کیا۔
ان کے مطابق ہم جبل الشیخ اور ان تمام علاقوں میں موجود رہیں گے جہاں ہم شام میں داخل ہوئے ہیں۔

انہوں نے مزید کہا کہ اسرائیل چاہتا ہے کہ دمشق حکومت کے ساتھ ایک نیا معاہدہ کیا جائے تاکہ جنوبی مغربی شام جو اسرائیل سے متصل ہے ، کو غیرمسلح زون بنایا جا سکے اور دروزی اقلیت کے تحفظ کو یقینی بنایا جائے۔

مزید پڑھیں:غزہ میں جنگ بندی کے معاہدے پر یورپی یونین کا ردعمل

عالمی مبصرین کا کہنا ہے کہ یہ بیانات نہ صرف اسرائیل کے علاقائی جارحانہ عزائم کو ظاہر کرتے ہیں بلکہ شام کی خودمختاری اور علاقائی سالمیت پر بھی ایک واضح حملہ ہیں۔