اسلام آباد (سچ خبریں) وزیر اعظم عمران خان نے پی آئی اے کو اپنی کارکردگی بہتر بنانے کی ہدایت کرتے ہوئے کہاہے کہ پی آئی اے اپنی کارکردگی مزید بہتر بنائے، ہوا بازی کی صنعت کو فروغ دینے کے لیے اقدامات کر رہے ہیں۔ مسافروں کی مشکلات اور سہولتوں کی فراہمی پرمزید اقدامات کی ضرورت ہے۔
تفصیلات کے مطابق وزیر اعظم عمران خان سے پی آئی اے کےسی ای او ارشد ملک کی ملاقات ہوئی ، ملاقات میں غلام سرور خان اور سیکریٹر ی ایوی ایشن بھی موجود تھے۔ملاقات میں ارشد ملک نے پی آئی اےکی کارکردگی اور اس سے متعلق وزیر اعظم کو بریفنگ دی اور یورپی یونین کی جانب سےپابندی کے خاتمے کےاقدامات سےآگاہ کیا گیا۔
دوران ملاقات فلیٹ میں اضافے اور لیز پر جہازوں کی خریداری سے متعلق بھی بریفنگ دی گئی۔اس موقع پر وزیر اعظم عمران خان نے کہا ہوا بازی کی صنعت کو فروغ دینے کےلیےاقدامات کر رہے ہیں ، مسافروں کی مشکلات اور سہولتوں کی فراہمی پرمزید اقدامات کی ضرورت ہے، پی آئی اے اپنی کارکردگی مزید بہتر بنائے۔
سی ای وپی آئی اے نےغیر ملکی ایئرلائنوں کو زائد پروازوں کی اجازت سے متعلق بھی آگاہ کیا جبکہ ممکنہ قومی ہوا بازی کی صنعت کو مشکلات اور نقصانات پربھی بات چیت بھی ہوئی۔وزیر اعظم نے وزیر ہوا بازی اور سیکریٹری ایوی ایشن سے تفصیلات حاصل کیں، وفاقی وزیر غلام سرور خان نے وزیر اعظم کو بریفنگ دیتے ہوئے کہا کہ ملک میں سیاحت کے فروغ اور ہوا بازی کی صنعت بہتر بنانے کیلئے اقدامات کررہے ہیں۔