صیہونی فضائیہ کے 1000 سے زائد افسروں اور پائلٹس کا غزہ جنگ بند کرنے کا مطالبہ

?️ 11 اپریل 2025

سچ خبریں:صیہونی فضائیہ کے 1000 سے زائد ریزرو افسروں اور پائلٹس نے ایک مشترکہ خط پر دستخط کرکے غزہ پٹی میں جاری جنگ کو ذاتی اور سیاسی مفادات کی تکمیل قرار دیتے ہوئے فوری جنگ بندی کا مطالبہ کیا ہے۔

الجزیرہ کی رپورٹ کے مطابق خط میں جنگ جاری رکھنے کے فیصلے کو ناکام قرار دیا گیا ہے جس نے اپنے کسی بھی اعلان شدہ مقصد کو حاصل نہیں کیا،دستخط کنندگان نے اسرائیلی قیدیوں کی فوری واپسی کے لیے مزید فوجی کارروائی کے بجائے مذاکرات پر زور دیا
خط میں متنبہ کیا گیا ہے کہ فوجی دباؤ بڑھانے سے قیدیوں کی جان کو خطرہ لاحق ہوگا

یہ بھی پڑھیں:150 صہیونی افسران کی نیتن یاہو کی کابینہ سے غزہ جنگ بند کرنے کی اپیل

دستخط کنندگان نے اسرائیلی عوام سے اپیل کی کہ وہ جنگ بندی کے لیے احتجاج کریں،خط میں تاکید کی گئی کہ قیدیوں کی واپسی کا واحد راستہ مزاحمتی گروپوں کے ساتھ معاہدہ ہے، اسرائیلی فضائیہ نے دستخط کرنے والوں کو نوکری سے نکالنے کی دھمکی دی ہے

مزید پڑھیں: وعدہ صادق کی تکمیل؛ غزہ میں جنگ بندی معاہدے کو صہیونیوں کی بڑی شکست کیوں قرار دیا جا رہا ہے؟

یہ خط اس وقت سامنے آیا ہے جب اسرائیلی فضائیہ غزہ میں بمباری میں مرکزی کردار ادا کر رہی ہے، تاہم جنگ کے 9 ماہ بعد بھی اسرائیل اپنے اہداف حاصل کرنے میں ناکام رہا ہے نیز بین الاقوامی دباؤ جنگ بندی کے لیے مسلسل بڑھ رہا ہے