سلامتی کونسل صیہونی جنگی جرائم میں شریک، عالمی اداروں کی مجرمانہ خاموشی

سچ خبریں:غزہ میں صیہونی نسل‌کشی کے خلاف اقوام متحدہ کی خاموشی خطرناک حد تک بڑھ چکی ہے، سلامتی کونسل نے مؤثر اقدام کی بجائے صرف بےاثر بیانات جاری کیے، جبکہ امریکہ نے ہر قرارداد کو ویٹو کر کے اسرائیل کو تحفظ دیا۔

غزہ میں صیہونی بربریت اور نسل‌کشی کے سامنے عالمی اداروں کی خاموشی بمباری سے بھی زیادہ مہلک بن چکی ہے، اقوام متحدہ کی سلامتی کونسل، جس نے یوکرین کے بحران پر ایک ہفتے میں کئی ہنگامی اجلاس بلائے، غزہ میں جاری قتل عام پر صرف غیر مؤثر بیانات پر اکتفا کر رہی ہے۔

یہ بھی پڑھیں:غزہ کے نسل کشی میں 60 سے زائد بین الاقوامی کمپنیاں ملوث: اقوام متحدہ

اسرائیل کی جانب سے غزہ میں مسلط کردہ جنگ صرف توپ و تفنگ کی لڑائی نہیں رہی، بلکہ یہ محاصرہ، دانستہ قحط، علاج گاہوں پر حملے، غذا کی قطاروں پر بمباری، اور بنیادی انفرا اسٹرکچر کی تباہی کے ذریعے ایک خاص، خاموش اور تدریجی نسل‌کشی میں تبدیل ہو چکی ہے۔

 یہ وہ نسل‌کشی ہے جو دانستہ بھوک کے ذریعے کی جا رہی ہے، جسے 1948 کی نسل‌کشی سے متعلق کنونشن کی شق 3 انسانیت کے خلاف صریح جرم قرار دیتی ہے۔

اس کے باوجود، اقوام متحدہ اور اس کے ذیلی اداروں کا سکوت، انسانیت پر ہونے والے مظالم کو تقویت دے رہا ہے، سلامتی کونسل، جسے عالمی امن و تحفظ کا مظہر سمجھا جاتا تھا، آج اسرائیلی جرائم میں ایک خاموش شریک بن چکی ہے،امریکہ نے بارہا ویٹو کے ذریعے اسرائیل کے خلاف کسی بھی لازمی قرارداد کو منظور ہونے سے روکا، جس سے اسرائیل کو کھلی چھوٹ ملی ہے۔

مزید پڑھیں:نیویارک میں غزہ کی حمایت اور صیہونی حکومت کی نسل کشی کی مذمت میں مظاہرے

اقوام متحدہ کی موجودہ روش نے ثابت کر دیا ہے کہ وہ مظلوموں کے تحفظ کے بجائے طاقتوروں کے جرائم کی پشت پناہی کا آلہ بن چکی ہے۔