فلسطینی مجاہدین کا حجاجِ بیت اللہ الحرام کے نام پیغام

?️ 15 جون 2024

سچ خبریں: القسام بریگیڈ کے ترجمان نے حج کے عظیم اور بڑے موقع پر فلسطینی مجاہدین کی صہیونی دشمن کے ساتھ جنگ کی حقیقت کو اجاگر کرنے کی ضرورت پر زور دیا۔

المیادین نیوز چینل کی رپورٹ کے مطابق حماس تحریک کی عسکری ونگ القسام بریگیڈ کے ترجمان ابوعبیدہ نے چند لمحے قبل تاکید کی کہ حجاجِ بیت اللہ الحرام سے گزارش ہے کہ مقدس مقامات پر اور حج کے مناسک ادا کرتے ہوئے غزہ اور فلسطین کے اپنے بھائیوں کو نہ بھولیں۔

یہ بھی پڑھیں: حج کے موسم میں فلسطین کی حمایت کا فقدان

انہوں نے مزید کہا کہ حجاجِ بیت اللہ سے درخواست ہے کہ غزہ اور اس کے مزاحمتی باشندوں نیز مجاہدین کو ان عظیم اور مبارک لمحات میں یاد رکھیں۔

ابوعبیدہ نے تصریح کی کہ بیت اللہ کے مہمان حج کے مناسک ادا کر رہے ہیں تو ہم امتِ مسلمہ کی جانب سے اللہ کے راستے میں قابض دشمنوں کے خلاف جہاد کے فریضے کو ادا کر رہے ہیں۔

مزید پڑھیں: مسئلہ فلسطین، مغربی ممالک کی دہشت گردی اور عرب ممالک کی خیانت

انہوں نے مزید کہا کہ الاقصیٰ طوفان آپریشن مسلمانوں کے تیسرے مقدس ترین حرم کی حفاظت کے لیے کیا گیا اور حج کے مناسک ایک موقع فراہم کرتے ہیں تاکہ دو ارب مسلمان امت کو ہماری جنگ کی حقیقت سے آگاہ کیا جائے، اس لیے کہ یہ جنگ ان دشمنوں کے ساتھ ہے جو مسجد الاقصیٰ پر حملہ آور ہو رہے ہیں اور اس مقدس مقام پر فساد اور یہودیت کو پھیلانے کی کوشش کر رہے ہیں۔