اسرائیل کو جنگ بندی معاہدے پر عمل درآمد کرانے کے لیے کوششیں جاری ہیں:لبنانی صدر  

سچ خبریں:لبنان کے صدر نے کہا کہ وہ صہیونی حکومت کو جنگ بندی معاہدے پر مکمل عمل درآمد کرانے اور لبنان سے پسپائی اختیار کرنے پر مجبور کرنے کے لیے اپنے رابطوں کو جاری رکھے ہوئے ہیں۔ 

یہ بھی پڑھیں: صیہونیوں کا جنوبی لبنان پر قبضے کو مستحکم کرنے کا منصوبہ

النشره نیوز ویب سائٹ کی رپورٹ کے مطابق لبنان کے صدر جوزف عون نے اقتصادی، سماجی اور ماحولیاتی کونسل کے اراکین سے ملاقات کے دوران واضح کیا کہ لبنان ایک واحد ڈھانچے پر مبنی ریاست نہیں ہو سکتا لہذا ہماری تمام کوششیں عوام اور حکومت کے درمیان اعتماد بحال کرنے کے ساتھ ساتھ لبنان اور دیگر ممالک کے درمیان تعلقات کو بہتر بنانے پر مرکوز ہونی چاہئیں۔

عون نے مزید کہا کہ ہم اسرائیل کو جنگ بندی معاہدے پر عمل درآمد کرانے، لبنان سے پسپائی اختیار کرنے اور قیدیوں کی واپسی کے لیے تمام سطحوں پر اپنے رابطے جاری رکھیں گے۔

مزید پڑھیں: جنوبی لبنان کی صورتحال سے صہیونیوں میں خوف و ہراس

 انہوں نے کہا کہ اس معاہدے کے نگران اداروں کو بھی اپنی ذمہ داریوں کا احساس کرتے ہوئے ہماری مدد کرنی چاہیے۔

یاد رہے کہ حال ہی میں صیہونی حکام نے دعوی کیا ہے کہ جلدی لبنان سے جانے والے نہیں۔