ایرانی میزائلوں کا دفاع مہنگا اور ناقابلِ برداشت ہے؛صہیونی عہدیدار کا اعتراف 

سچ خبریں:صہیونی حکومت کے ایک سینئر عہدیدار نے ایرانی میزائلوں کو روکنے کے لیے کیے جانے والے دفاعی اقدامات کو مالی طور پر تباہ کن قرار دے دیا،اسرائیلی میڈیا کا کہنا ہے کہ ایران نے صرف ایک رات میں 80 میزائل فائر کیے، جس سے دفاعی نظام پر دباؤ بڑھ گیا۔

ایک اعلیٰ صہیونی عہدیدار نے اعتراف کیا ہے کہ ایران کی جانب سے داغے گئے میزائلوں کو روکنے کے لیے تل ابیب کو بھاری مالی قیمت ادا کرنا پڑ رہی ہے۔ ان کے مطابق، راہگیری (انٹرسیپشن) آپریشنز پر اٹھنے والے اخراجات اسرائیل کے لیے ایک سنگین چیلنج بن چکے ہیں۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

اس انکشاف کی رپورٹ الجزیرہ نے دی ہے، جس میں بتایا گیا کہ مذکورہ صہیونی وزیر نے بند کمرے کے ایک اجلاس میں کہا کہ ایران کے میزائلوں کو روکنے کے لیے ہر حملے کے ساتھ ہماری لاگت بڑھتی جا رہی ہے، اور یہ صورت حال ہمیں مسلسل دباؤ میں ڈال رہی ہے۔

یہ بیان ایران کی جانب سے اراضیِ اشغالی (اسرائیل) پر کیے گئے حالیہ وسیع پیمانے پر میزائل حملوں کے بعد سامنے آیا ہے، جہاں صہیونی دفاعی نظام کی کئی پرتیں ناکامی کا شکار ہوئیں۔

ادھر، اسرائیلی ٹی وی چینل 12 نے اپنی رپورٹ میں انکشاف کیا ہے کہ سکیورٹی ذرائع کے مطابق، ایران نے صرف گزشتہ رات دو مختلف وقتوں میں کم از کم 80 میزائل مقبوضہ علاقوں پر داغے۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

رپورٹ کے مطابق، ان حملوں نے نہ صرف صہیونی حکومت کی دفاعی تیاریوں کو بے نقاب کیا، بلکہ اس پر شدید مالی دباؤ بھی ڈال دیا ہے، کیونکہ ہر میزائل کو روکنے کے لیے کروڑوں ڈالر کے اخراجات کیے جا رہے ہیں۔