صیہونی دفاعی نظام ایرانی میزائلوں کے سامنے ناکام؛صیہونی اخبار کا اعتراف

سچ خبریں:صیہونی اخبار ہارٹیز نے ایران کے جدید میزائلوں کے سامنے قابض ریاست کے دفاعی نظام کی ناکامی کا اعتراف کرتے ہوئے فوجی قیادت کو خبردار کیا ہے کہ وہ جنگی مہم جوئی بند کریں ورنہ سخت نتائج کا سامنا ہوگا۔

معروف صہیونی روزنامہ ہارٹیز نے ایران کے خلاف حالیہ فوجی جھڑپوں اور میزائل حملوں کے تناظر میں ایک غیرمعمولی اعتراف کرتے ہوئے لکھا ہے کہ اسرائیلی دفاعی نظام، ایران کے جدید میزائلوں کا مؤثر طور پر مقابلہ کرنے میں مکمل طور پر ناکام رہا ہے۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

اخبار نے اپنی رپورٹ میں لکھا کہ فوجی اور سیاسی قیادت کو اب ہوش کے ناخن لینے چاہئیں اور ایسی غیر دانشمندانہ مہم جوئی سے باز آنا چاہیے جو اسرائیل کو مزید پیچیدہ، خطرناک اور ناقابلِ جبران حالات کی طرف دھکیل رہی ہے۔

ہارٹیز نے اپنی اشاعت میں صراحت سے کہا کہ صہیونی فوج کے کمانڈرز اور اسرائیلی حکومت کو اس ناکامی سے سبق سیکھنا چاہیے۔ اگر وہ واقعی اسرائیل اور خطے کے مستقبل کی فکر رکھتے ہیں، تو فوری طور پر اس تباہ کن جنگ کو روک دینا چاہیے۔

رپورٹ میں مزید کہا گیا کہ اسرائیلی فوج اور حکومت کی موجودہ حکمت عملی نہ صرف ناکام ہو چکی ہے بلکہ یہ اسرائیل کے دفاعی تشخص پر بھی سوالات کھڑے کر رہی ہے۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

روزنامہ ہارٹیز نے اس بات پر بھی زور دیا کہ اب وقت آ گیا ہے کہ اسرائیلی قیادت حقیقت کا سامنا کرے اور اس بات کو تسلیم کرے کہ ایران کی فوجی صلاحیت ایک سنجیدہ خطرہ ہے، اور روایتی حربوں سے اسے دبانا ممکن نہیں رہا۔