ایران سے رحم کی بھیک مانگنے سے پہلے جنگی جنون ترک کرو؛صیہونی ماہرِ سلامتی کا انتباہ

سچ خبریں:صیہونی سکیورٹی ماہر یوسی ملمَن نے تل ابیب کو خبردار کیا ہے کہ ایران کے خلاف جنگ میں آگے بڑھنے سے پہلے ہوش کے ناخن لیں، ورنہ کل کو ایران سے جنگ بندی کی بھیک مانگنے پر بھی کچھ حاصل نہیں ہوگا۔ 

صیہونی سیکیورٹی اور عسکری امور کے ماہر یوسی ملمَن نے قابض حکومت کو متنبہ کیا ہے کہ وہ ایران کے خلاف جنگی جنون کو ترک کرے، ورنہ آخرکار انہیں آتش‌بس کے لیے ایران سے بھیک مانگنی پڑے گی اور ممکن ہے ایران انکار کر دے۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

انہوں نے سوشل میڈیا پلیٹ فارم ایکس (سابق ٹوئٹر) پر اپنی پوسٹ میں لکھا کہ یہ خوشی عارضی تھی۔ جمعے کی صبح میں نے خود سے سوال کیا: کیا واقعی ایران کے خلاف اس جنگ میں داخل ہونا ضروری تھا؟

یوسی ملمَن نے ایران کے تاریخی صبر و استقامت اور آٹھ سالہ ایران-عراق جنگ کا حوالہ دیتے ہوئے کہا کہ شیعہ قوم تاریخاً مصیبت برداشت کرنے والی قوم ہے، ان کی قربانی کی آمادگی میرے ذہن میں تازہ ہو گئی، ہمیں چاہیے کہ مزید جانی نقصان سے بچنے کے لیے ایک معقول معاہدے کے ذریعے یہ پاگل پن ختم کریں ورنہ انجام ندامت ہو گا۔

یاد رہے کہ 13 جون 2025 کو صیہونی ریاست نے تہران اور دیگر شہروں پر دہشتگردانہ حملہ کیا، جس کے نتیجے میں متعدد ایرانی فوجی کمانڈرز، سائنسی ماہرین اور عام شہری شہید ہو گئے۔

اس بزدلانہ حملے کے بعد، ایران نے مرحلہ دوم کا تیسرا موج، "وعدہ صادق 3” آپریشن کے تحت انجام دیا، جس میں سپاہ پاسداران کی ایرو اسپیس فورس نے درجنوں میزائل اور ڈرونز داغے۔ حملہ عید غدیر کی شب کو انجام دیا گیا اور اس میں "یا علی ابن ابی طالب” کا کوڈ استعمال کیا گیا۔

رپورٹس کے مطابق، ایرانی میزائل اور ڈرونز صہیونی دفاعی نظام کی کئی پرتیں عبور کرتے ہوئے اہم فوجی و شہری اہداف پر لگاتار حملہ آور ہوئے۔

الجزیرہ کی رپورٹ کے مطابق، تل ابیب کے بات یام علاقے میں ایران کے میزائل حملوں میں 10 افراد ہلاک اور 240 زخمی ہوئے، جبکہ 61 عمارتیں شدید متاثر ہوئیں۔ عبری زبان کے میڈیا کا کہنا ہے کہ درجنوں افراد ملبے تلے دبے ہوئے ہیں اور ریسکیو کارروائیاں جاری ہیں۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

ایرانی حکام بارہا کہہ چکے ہیں کہ اسرائیل کی کوئی بھی جنگی مہم جوئی خاموشی سے برداشت نہیں کی جائے گی۔ اور جوابی کارروائی صرف دفاع نہیں بلکہ عبرت آموز انتباہ ہے۔