دمشق کی اموی مسجد میں الجولانی کے عناصر کی مداخلت کی وجہ سے تنازع

?️ 30 دسمبر 2024

سچ خبریں:دمشق کی تاریخی اموی مسجد میں شام کے معروف اپوزیشن رہنما ہیثم المالح کے خطاب میں دہشتگرد تنظیم ہیئت تحریر الشام سے وابستہ عناصر کی مداخلت تنازع کا باعث بن گئی۔

روسیا الیوم کی رپورٹ کے مطابق سوشل میڈیا پر ایک ویڈیو وائرل ہوئی ہے جس میں دیکھا جا سکتا ہے کہ ہیئت تحریر الشام کے عناصر نے المالح کو مسجد کے منبر پر خطاب کرنے سے روک دیا۔

یہ بھی پڑھیں: حلب میں آشوب کا مقصد کیا ہے؟

یہ واقعہ شام کے سوشل میڈیا صارفین کے درمیان شدید بحث و مباحثے کا سبب بن گیا ہے۔

ہیثم المالح نے سوشل میڈیا پر ایک پوسٹ کے ذریعے وضاحت کی کہ وہ گزشتہ دس دنوں سے شام واپس آئے ہیں، لیکن موجودہ حکام نے ان کی واپسی کو نظرانداز کر دیا۔

اموی مسجد میں پیش آنے والے واقعے کے بعد، انہوں نے دوبارہ جرمنی واپسی پر غور کرنے کا عندیہ دیا ہے۔

مزید پڑھیں: شام میں قتل و غارت کا بازار گرم؛ الجولانی کے عناصر کا 10 منٹ میں ایک حملہ

یاد رہے کہ المالح 2011 میں بیرون ملک مقیم شامی اپوزیشن میں شامل ہوئے تھے بعد ازاں اپوزیشن کے قومی اتحاد کا حصہ بنے اور بشار اسد کی حکومت کے خاتمے کے بعد شام واپس آئے ۔