?️
نیویارک (سچ خبریں) اس وقت دنیا بھر میں کورونا وائرس نے شدید قہر برپا کر رکھا ہے اور پاکستان بھی ان ممالک میں شامل ہے جہاں کورونا وائرس کا شدید طوفان جاری ہے، چین نے اس بحران سے نمٹنے کے لیئے پاکستان سمیت متعدد دوسرے ممالک کی مدد کرنے کا اعلان کردیا ہے۔
موصولہ اطلاعات کے مطابق نیویارک میں قائم اقوام متحدہ کے ہیڈکواٹرز سے جاری مشترکہ بیان میں چین نے پاکستان سمیت جنوبی ایشیا کے دیگر ممالک کو کورونا وائرس کے خلاف جنگ میں ہر قسم کے تعاون، جن میں طبی سہولیات اور معاشی معاونت شامل ہے، کا عزم دہرایا ہے۔
چین کی جانب سے یہ یقین دہانی منگل کے روز ایک ویڈیو کانفرنس میں مشترکہ رد عمل میں کی گئی، جس میں چین، افغانستان، بنگلہ دیش، نیپال، پاکستان اور سری لنکا کے وزرائے خارجہ نے شرکت کی تھی۔
مشترکہ بیان میں کہا گیا کہ وزرائے خارجہ کی جانب سے کورونا کے خلاف جنگ میں چین کے اقدامات کو سراہا گیا، چین اپنے صدر شی جن پنگ کے اس اہم بیان پر عمل پیرا ہوگا جس میں انہوں نے عالمی سطح پر شہریوں کے لیے ویکسین کی فراہمی اور شریک ممالک کے لیے ویکسین کے حوالے سے لچکدار انداز میں معاونت کو جاری رکھنے کا کہا تھا، جس میں کووڈ-19 کی ویکسین کی مشترکہ تیاری بھی شامل ہے۔
کانفرنس میں موجود وزرائے خارجہ نے بھارت میں کورونا وائرس کی بگڑتی ہوئی صورتحال کا مشاہدہ جاری رکھنے پر اتفاق کیا اور بھارت کو اس اہم موقع پر ہر قسم کی معاونت فراہم کرنے سے متعلق اظہار خیال بھی کیا گیا۔
وزرائے خارجہ نے نشاندہی کی کہ کورونا وائرس تمام اقوام عالم کے لیے مشترکہ دشمن ہے اور ساتھ ہی تمام اقوام پر زور دیا کہ تعاون اور یکجہتی کے ذریعے ہی اس وبا کے خلاف کامیابی حاصل کی جاسکتی ہے۔
اس موقع پر چین نے کانفرنس کے شرکا کو بتایا کہ وہ ایشیا کے پانچوں ممالک کو طبی سہولیات اور تکنیکی معاونت فراہم کرنے کیلئے تیار ہے، کانفرنس کی شرکا کی جانب سے کورونا کے خلاف جنگ میں عالمی ادارہ صحت کے تعاون کا عزم دہرایا گیا اور یہ تسلیم کیا کہ وائرس کی ابتدا کے حوالے سے جانچ سائنس اور کلوبل مشن کا کام ہے’، انہوں نے معاملے پر سیاست کرنے کی بھی مخالفت کی۔
ورزائے خارجہ نے اس بات پر اتفاق کیا کہ کورونا کو شکست دینے کیلئے ویکسین اہم ہتھیار ہے، جو مساوات اور انصاف کی بنیادوں پر تقسیم کی جانی چاہیے، انہوں نے خبردار کیا کہ ‘ویکسین پر قومیت پسندی’ کورونا وائرس کے حوالے سے عالمی کاوشوں میں رکاوٹیں پیدا کرنے کے ساتھ ساتھ قوت مدافعت میں خلا بھی بڑھا سکتی ہے۔
انہوں نے تسلیم کیا کہ کورونا وائرس عالمی معیشت پر سنجیدہ اثرات مرتب کررہا ہے، یہ عالمی وبا تمام ممالک کی پائیدار ترقی میں پیچیدگیاں پیدا کر سکتی ہے۔
وزرائے خارجہ نے بیلٹ اینڈ روڈ کے اقدام کے تحت وائرس سے متعلق اقدامات کے ساتھ محفوظ تجارت کے لیے اپنی سرحدوں کو کھولنے پر اتفاق کیا۔
مشہور خبریں۔
اسٹاک مارکیٹ میں 400 پوائنٹس کا اضافہ
?️ 4 ستمبر 2023اسلام آباد:(سچ خبریں) آرمی چیف کی جانب سے زرتبادلہ کی شرح میں
ستمبر
امریکی سینیٹر کا اسرائیل کو ہتھیاروں کی فروخت فوری طور پر روکنے کا مطالبہ
?️ 28 مارچ 2025 سچ خبریں:امریکی سینیٹر برنی سینڈرز نے اسرائیل کی جانب سے غزہ
مارچ
غزہ کی اسرائیلی جرائم کے خلاف بین الاقوامی تحقیقات کی اپیل
?️ 10 مئی 2025سچ خبریں: غزہ پٹی میں گزرے ہوئے دو ماہ سے زائد عرصے
مئی
وزیراعظم کے دوست ملکوں کے سربراہوں سے رابطے ہوئے۔ عطا تارڑ
?️ 9 جون 2025اسلام آباد (سچ خبریں) وفاقی وزیر اطلاعات عطا اللّٰہ تارڑ نے کہا
جون
پاکستان موسمیاتی تبدیلی سے نمٹنے کیلئے سالانہ 12 کھرب روپے کی سرمایہ کاری کرے، آئی ایم ایف
?️ 17 اکتوبر 2024اسلام آباد: (سچ خبریں) آئی ایم ایف نے پاکستان پر زور دیا
اکتوبر
وزیراعظم اور چینی صدر کا ترقیاتی کاموں کو مزید مستحکم کرنے پر اتفاق
?️ 6 فروری 2022بیجنگ (سچ خبریں) چینی صدر نے پاکستان کی ترقیاتی حکمت عملی اور
فروری
امید ہے افغان سرزمین کسی دوسرے ملک کے خلاف استعمال نہیں ہو گی:آرمی چیف
?️ 21 اگست 2021 راولپنڈی (سچ خبریں) آرمی چیف جنرل قمر جاوید باجوہ نے کہا ہے
اگست
نیب ترمیمی بل کے تحت نیب چیئرمین کو مزید اختیارات دے دیے گئے
?️ 1 جون 2023اسلام آباد: (سچ خبریں) وفاقی حکومت نے مجوزہ نیب ترمیمی بل کے
جون