چین کو گھیرنے کے لیئے چار ممالک کا اجلاس منعقد، مختلف موضوعات پر گفتگو کی گئی

چین کو گھیرنے کے لیئے چار ممالک کا اجلاس منعقد، مختلف موضوعات پر گفتگو کی گئی

?️

واشنگٹن (سچ خبریں) امریکا دنیا میں چین کے بڑھتے قدم اور عسکری اور معاشی سرگرمیوں کی وجہ سے شدید پریشانی میں مبتلا ہوچکا ہے جس کی وجہ سے وہ کوشش کررہا ہے کہ کچھ ممالک کو ساتھ ملاکر چین کی اس بڑھتی ہوئی طاقت کا مقابلہ کرسکے، اسی مناسبے سے گزشتہ روز کواڈ ریلیٹرل سیکورٹی ڈائیلاگ نامی پہلی ورچوئل کانفرنس منعقد ہوئی جس میں مختلف موضوعات پر گفتگو کی گئی۔

تفصیلات کے مطابق امریکا میں چار ممالک کی کواڈ ریلیٹرل سیکورٹی ڈائیلاگ نامی پہلی ورچوئل کانفرنس کا انعقاد گزشتہ روز ہوا، جس میں کورونا، ماحولیاتی تبدیلی کے عالمی اثرات، ٹیکنالوجی اور اقتصادی صورت حال پر تبادلہ خیال کیا گیا۔

خبر رساں اداروں کے مطابق آن لائن سربراہ کانفرنس میں امریکی صدر جوبائیڈن، بھارتی وزیر اعظم نریندر مودی، آسٹریلوی وزیر اعظم اسکاٹ موریسن اور جاپانی وزیر اعظم یوشی ہائیڈ سوگا نے علاقائی اور عالمی امور پر تبادلہ خیال کے علاوہ باہمی تعاون بڑھانے پر غور کیا۔

اس موقع پر بحرالکاہل کے خطے میں سلامتی اور اشیا کی ترسیل کے ساتھ سستی ویکسین کی فراہمی کو یقینی بنانے میں تعاون پر بات چیت کی گئی۔

دوسری جانب چین نے امید کا اظہار کیا ہے کہ بیجنگ اور واشنگٹن کے اعلیٰ سفارتکاروں کے مابین آیندہ ہونے والے اعلیٰ سطح کے اسٹریٹجک مذاکرات دوطرفہ تعلقات میں ٹھوس اور مستحکم پیش رفت کا باعث ہوسکتے ہیں۔

ان خیالات کا اظہار چینی وزارت خارجہ کے ترجمان ژاو لی جیان نے جمعہ کے روز معمول کی نیوز بریفنگ میں کیا، ترجمان سے دونوں ممالک کے درمیان18 اور19 مارچ کوالاسکا میں ہونے والے اعلیٰ سطح کے اسٹریٹجک مذاکرات سے متعلق سوال کیا گیا تھا۔

ژاؤ نے کہاکہ امید ہے کہ چین اورامریکا تعاون پرتوجہ مرکوز اور اختلافات کوحل کرتے ہوئے بات چیت کے ذریعے دوطرفہ تعلقات میں مضبوط اور مستحکم پیش رفت کرسکتے ہیں۔

واضح رہے کہ گزشتہ برس مالابار مشق سے پہلے وزرائے خارجہ کے اجلاس میں امریکا کے سابق وزیرخارجہ مائک پومپیو کو لہجہ خاصا جارحانہ تھا۔

اپنی گفتگو میں امریکی وزیرخارجہ نے صاف صاف کہا کہ کواڈ کا مقصد اپنے عوام اور اتحادیوں کو چینی کمیونسٹ پارٹی کے استحصال، بدعنوانی اور سکھاشاہی سے محفوظ رکھنا ہے۔

مائیک پومپیو کے اس بیان پر بیجنگ کی جانب سے شدید ردعمل سامنے آیا تھا، ان کے سرکاری اخبار نے کہا کہ امریکا کی استعماری و توسیع پسندانہ فطرت نے جنوبی ایشیا کا رخ کرلیا ہے اور واشنگٹن ایشیائی نیٹو بناکر پرامن خطے کو تشدد و بد امنی کامرکز بنانا چاہتا ہے۔

مشہور خبریں۔

وزیر اعظم کی نماز عید کے متعلق فواد چوہدری کا اہم بیان سامنے آگیا

?️ 23 جولائی 2021اسلام آباد (سچ خبریں)  تفصیلات کے مطابق ملک بھر میں عید الاضحیٰ

وزیراعظم آج ٹیلی فون پر براہ راست عوامی مسائل سُنیں گے

?️ 1 اگست 2021اسلام آباد ( سچ خبریں) وزیر اعظم عمران خان آپ کا وزیر

مغربی ممالک ہمیں شکست نہیں دے سکتے:روس

?️ 30 جون 2025 سچ خبریں:روسی وزیر خارجہ سرگئی لاوروف نے کہا ہے کہ مغرب

کیوں امریکہ یوکرین کے نیٹو میں شامل ہونے کے خلاف ہے؟

?️ 26 جون 2023سچ خبریں:نیٹو فوجی اتحاد کے سربراہوں کے اجلاس کے موقع پر یوکرین

سعودی عرب کا یمنیوں کی ویکسینیشن روکنے کے لیے اقدام

?️ 25 اگست 2021سچ خبریں:سعودی حکام ایک امتیازی اقدام میں اس ملک میں رہنے والے

شام کے بارے میں عرب-بین الاقوامی اجلاس اختتام پذیر؛ کیا ہوا؟

?️ 13 جنوری 2025سچ خبریں:ریاض میں شام کے حوالے سے عرب اور غیرعرب ممالک کے

صدر آذربائیجان کا پاکستان میں 2 ارب ڈالر کی سرمایہ کاری کا اعلان

?️ 28 مئی 2025اسلام آباد (سچ خبریں) صدر آذربائیجان الہام علیوف نے پاکستان میں 2

فیلڈ مارشل عاصم منیر کا پنجاب کے سیلاب متاثرہ علاقوں کا دورہ، متاثرہ سکھ برادری سے ملاقات

?️ 29 اگست 2025گوجرانوالہ: (سچ خبریں) پاک فوج کے سربراہ فیلڈ مارشل سید عاصم منیر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے