یمن کی مسلح افواج کا غزہ کی مزاحمتی تحریکوں کے ساتھ اظہار یکجہتی

سچ خبریں: یمن غزہ کی حمایت میں ہوائی اور بحری محاصرے کے ساتھ ساتھ صہیونی دشمن کے خلاف اپنی کارروائیوں کو جاری رکھے ہوئے ہے۔

واضح رہے کہ کل رات یمنی مسلح افواج نے غزہ کی مزاحمتی تحریکوں اور عوام کے نام ایک پیغام جاری کیا جس میں حمایت، پشت پناہی اور خراج تحسین پیش کیا گیا۔ انہوں نے فلسطینی مزاحمت کی حمایت جاری رکھنے پر زور دیا، یہاں تک کہ صہیونی جارحیت کا سلسلہ مکمل طور پر بند ہو جائے۔

یمنی مسلح افواج کے ترجمان یحییٰ سریع نے کل رات ایک ویڈیو پیغام میں غزہ کی مزاحمتی تحریکوں سے خطاب کرتے ہوئے کہا کہ آزاد، عزیز اور خودمختار یمن آپ کے ساتھ کھڑا ہے۔ اگرچہ ساری دنیا آپ کو مایوس کر دے، یمن آپ کو کبھی تنہا نہیں چھوڑے گا۔

انہوں نے فلسطینی مزاحمت گروپوں کو یقین دلایا کہ جاری جارحیت اور محاصرے کے خاتمے تک یمن آپ کے شانہ بشانہ رہے گا۔ ان کا کہنا تھا کہ یمنی افواج غزہ کی جنگ کے واقعات کو بغور دیکھ رہی ہیں اور غزہ کے بہادر اور ثابت قدم مجاہدین کے سامنے احتراماً سرنگوں ہیں۔

یحییٰ سریع کے پیغام کے پس منظر میں غزہ کی مزاحمتی تحریکوں اور یمنی فوجیوں کی سلامی پیش کرتی ہوئی تصاویر تھیں۔ انہوں نے مزید کہا کہ یمنی مسلح افقدام، القسام بریگیڈز، سرایا القدس اور تمام مزاحمتی گروپوں کے ہیرو مجاہدین کو عربی-اسلامی جہادی سلام پیش کرتی ہیں، جو امت مسلمہ کی حفاظت کے لیے میدان کارزار میں ہیں۔

پیغام کے اختتام پر یمنی افواج نے غزہ کی مزاحمتی تحریکوں سے کہا کہ ہم آپ کی جدوجہد اور جہاد کو سلام پیش کرتے ہیں۔ ہم اس بات پر زور دیتے ہیں کہ بزدلوں اور غداروں کی آنکھوں میں کبھی چین نہیں ہو گا۔ اللہ کی رحمتیں آپ پر نازل ہوں، آپ کی پیدائش کے دن، جہاد کے دن، فتح کے دن، شہادت کے دن اور قیامت کے دن۔