یمن جنگ بندی کی کتنی بار خلاف ورزی کی گئی؟

?️ 3 جون 2022

سچ خبریں:یمن کی عارضی جنگ بندی کے اختتام پر صنعا میں ایک فوجی ذریعے نے اعلان کیا کہ سعودی اتحاد کی جانب سے جنگ بندی کی ہزاروں بار خلاف ورزی کی گئی۔
یمن میں 2 اپریل کو دو ماہ کی جنگ بندی کے آغاز اقوام متحدہ کے ایلچی ہنس گرنڈ برگ نے زمینی، سمندری اور ہوائی حملوں کو روکتے ہوئے الحدیدہ کی بندرگاہوں میں ایندھن لے جانے والے 18 بحری جہازوں کے داخلے کی سہولت کی فراہمی نیز صنعا ایئرپورٹ سے مقررہ مقامات پر ہفتہ وار پروازوں کی اجازت دیے جانے کا اعلان کیا تھا ، تاہم اب اس جنگ بندی کا وقت پورا ہوچکا ہے۔

اس سلسلہ میں وکالہ الصحافہ الیمنیہ ویب سائٹ نے صنعا میں فوجی ذرائع کا حوالہ دیتے ہوئے اپنی ایک رپورٹ میں لکھا کہ جنگ بندی کے بعد سے 59 دنوں میں سعودی اتحاد نے 6057 مرتبہ جنگ بندی کی خلاف ورزی کی،ادھر سعودی اتحاد نے گزشتہ 24 گھنٹوں میں 111 مرتبہ جنگ بندی کی خلاف ورزی کی ہے، جس میں مأرب، تعز، الجوف، حجہ، صعدہ اور البیضا صوبوں پر جاسوسی کی پروازیں شامل ہیں۔

یمن کی قومی سالویشن گورنمنٹ کی مذاکراتی کمیٹی کے نائب سربراہ جلال الرویشان نے اس سلسلے میں اعلان کیا کہ سعودی امریکی جارح اتحاد کے رکن ممالک یمن میں انسانی اور فوجی جنگ بندی کو کمزور کرنے کا سلسلہ جاری رکھے ہوئے ہیں۔