ہیٹی میں 17 امریکی راہب اور ان کےاہلخانہ اغوا

🗓️ 18 اکتوبر 2021

سچ خبریں:ایک امریکی اخبار نے ہیٹی کے دارالحکومت میں 17 امریکی راہبوں اور ان کے خاندان کے افراد کے اغوا کی خبر دی ہے۔
نیویارک ٹائمز نے ہیٹی کے دارالحکومت پورٹ او پرنس میں 17 امریکی عیسائی مشنریوں اور ان کے خاندانوں کے جرائم پیشہ گروہوں کے ہاتھوں اغوا کیے جانےکی اطلاع دی،یادرہے کہ یہ واقعہ ہفتے کے روز پیش آیا جب امریکی شہری بس کے ذریعے یتیم خانے سے جا رہے تھے۔

ہیٹی میں امریکی سفارت خانے نے نیو یارک ٹائمز کی رپورٹ کا جواب نہیں دیا ، تاہم محکمہ خارجہ کی ترجمان جینیفر ویاؤ نے کہا کہ معاملہ زیر تفتیش ہے،واضح رہے کہ ہیٹی کو امریکی براعظم کا غریب ترین ملک سمجھا جاتا ہے ۔

اس ملک کی معاشی صورتحال جولائی 2021 میں یہاں کے صدر جوئنل موائس کے قتل اور اگست کے زلزلے کے نتیجے میں بگڑ گئی ہے جس میں 2 ہزار سے زائد افراد ہلاک ہوئے،اس کے بعد یہ یہاں کی معاشی حالت سخت بگڑ چکی ہے ، جس کی وجہ سےاس ملک سے لوگوں کی امریکہ میں نقل مکانی میں اضافہ ہواہے ، جس کا بائیڈن انتظامیہ کی جانب سے سرد استقبال اور انہیں ان کے آبائی ملک کے حوالے کرنے کے فیصلےکی صورت میں ملا۔