ہر دو گھنٹے میں 1 یمنی ماں اور 6 بچے مرتے ہیں:ریڈ کراس

?️ 12 جولائی 2022

سچ خبریں:ریڈ کراس نے اپنی تازہ ترین رپورٹ میں بتایا ہے کہ ہر دو گھنٹے میں ایک ماں اور 6 یمنی بچے مر جاتے ہیں۔
ریڈ کراس کے عہدیداروں میں سے ایک بشیر عمر نے (RT)چینل کو انٹرویو دیتے ہوئے یمن میں خوفناک انسانی صورتحال کے بارے میں آگاہ کیا، ریڈ کراس کے عہدہ دار نے کہا کہ یمن میں انسانی صورت حال تصور سے زیادہ ہولناک ہے، اس طرح کہ اس ملک کی دو تہائی آبادی صحت کی بنیادی سہولیات سے محروم ہے۔

انہوں نے مزید کہا کہ عالمی برادری یمن کے عوام کو تنہا نہ چھوڑے،رپورٹ کے مطابق یمن جنگ کے آٹھویں سال کے آغاز کے موقع پر ریڈ کراس کی بین الاقوامی کمیٹی نے حال ہی میں ایک رپورٹ شائع کی ہے جس میں اعلان کیا گیا ہے کہ 30.5 افراد پر مشتمل یمن کی آبادی کے تقریباً 66 فیصد حصے کو صحت کی بنیادی خدمات تک رسائی حاصل نہیں ہے اور جن لوگوں کو طبی دیکھ بھال کی ضرورت ہوتی ہے،وہ اکثر اس ملک کے 51% فعال طبی مراکز تک پہنچنے کے لیے اپنی جانوں کو خطرے میں ڈالتے ہیں۔

رپورٹ میں یہ بھی بتایا گیا ہے کہ یہ بحران خواتین اور بچوں میں شدت سے محسوس کیا جاتا ہے، یہ بتایا گیا ہے کہ یمن میں 50 فیصد سے بھی کم پیدائش طبی نگہداشت کے ماہرین کی نگرانی میں ہوتی ہے اور ہر دو گھنٹے بعد ایک ماں اور چھ بچے مر جاتے ہیں۔