?️
سچ خبریں: نائیجر کی بغاوت کے منصوبہ سازوں نے اس بات پر زور دیا کہ نہ فوج اور نہ ہی عوام جنگ چاہتے ہیں لیکن ہم ہر اس جنگ کا مقابلہ کریں گے جو ہمارے خلاف لڑی جائے گی۔
الجزیرہ چینل کی رپورٹ کے مطابق مغربی افریقہ کی اقتصادی برادری، جسے ECOWAS کے نام سے جانا جاتا ہے، کا ایک وفد نائیجیریا کے سابق صدر عبدالسلام ابوبکر کی سربراہی میں نائیجر کے حکمران حکام سے ملاقات اور سفارتی طریقے سے بات چیت کے لیے اس ملک کے دارالحکومت نیامی پہنچا۔
یہ بھی پڑھیں:مغربی ممالک نائیجر میں جمہوریت ڈھونڈ رہے ہیں یا یورینیم؛ امریکی تجزیہ کار اور مورخ کیا کہتے ہیں؟
رپورٹ کے مطابق اس وفد نے نیامی میں نائجر کے معزول صدر محمد بازوم سے ملاقات کی، مذکورہ گروپ نے تعطل سے نکلنے کے طریقوں کے بارے میں کسی نتیجے پر پہنچنے کے لیے بغاوت کے منصوبہ سازوں کے رہنما جنرل عبدالرحمن تیان سے بھی ملاقات کی۔
ECOWAS وفد کی سربراہی کرنے والے نائجیریا کے سابق صدر عبدالسلام ابوبکر نے کہا کہ نیامی میں ہماری ملاقاتیں بہت اہم رہیں جو اس ملک میں پیدا ہونے والے بحران کے حل کے لیے ایک نقطہ آغاز ثابت ہو سکتی ہیں۔
ECOWAS کے ایک سینئر عہدیدار نے بھی امید ظاہر کی کہ نائیجر کی فوجی حکومت جنگ کی بجائے اس گروپ کے ساتھ بات چیت کو قبول کرے گی۔
درایں اثنا نائیجر کی فوجی کونسل کے ذریعہ مقرر کردہ وزیر اعظم علی محمد الامین الزین نے بھی نیویارک ٹائمز کے ساتھ گفتگو کرتے ہوئے یقین دلایا کہ بازوم کو کچھ نہیں ہوگا۔
یاد رہے کہ بازوم 26 جولائی کی بغاوت میں معزول ہونے کے بعد سے صدارتی محل میں موجود ہیں، لیکن ECOWAS اور مغربی طاقتوں کا اصرار ہے کہ وہ صدر ہی رہیں اور وہ ان کی فوری رہائی اور اقتدار میں واپسی کا مطالبہ کرتے ہیں۔
اے ایف پی نے ECOWAS کے قریبی ذرائع کے حوالے سے بتایا کہ وفد نیامی میں فوج کو ایک مضبوط پیغامبھیجنا چاہتا ہے،ECOWAS کے سیاسی امور، امن و سلامتی کے کمشنر عبدالفتاح موسی نے بھی کہا کہ اس مشن کا مقصد نائیجر میں آئینی نظم کی بحالی کے لیے پرامن راستے تلاش کرنا ہے۔
مزید پڑھیں: نائیجر میں تبدیلی مغربی استعمار کے خلاف بغاوت : عطوان
دوسری جانب ECOWAS وفد کے دورے کے عین وقت، جنرل تیانی نے ہفتے کی شام ایک ٹیلی ویژن تقریر میں کہا کہ وہ کسی بھی ایسے مذاکرات کے لیے تیار ہیں جس میں عوام کی رائے اور قومی خودمختاری کو مدنظر نہ رکھا جائے۔
انہوں نے خبردار کیا کہ ان کے ملک پر حملہ مختصر مدت کے لیے پکنک نہیں ہوگا،تیانی نے کہا کہ نہ فوج اور نہ ہی نائیجر کے عوام جنگ چاہتے ہیں، لیکن ہم ہر اس جنگ کا مقابلہ کریں گے جو ہمارے خلاف چھیڑ دی جائے گی۔
مشہور خبریں۔
غزہ پر 15 ماہ کے صیہونی وحشیانہ پن کے ہولناک اعداد و شمار
?️ 21 جنوری 2025سچ خبریں:غزہ میں جنگ بندی کے بعد 15 ماہ میں صیہونیوں کے
جنوری
پاک فوج میں اعلیٰ عہدوں پر تقرر و تبادلے، جنرل اویس چیف آف جنرل اسٹاف تعینات
?️ 26 نومبر 2023اسلام آباد: (سچ خبریں) پاکستانی فوج میں اعلیٰ عہدوں پر ہونے والی
نومبر
سپریم کورٹ پریکٹس اینڈ پروسیجر ترامیم بل اسلام آباد ہائیکورٹ میں چیلنج
?️ 11 اپریل 2023اسلام آباد: (سچ خبریں) وفاقی حکومت کی جانب سے چیف جسٹس آف
اپریل
فلسطینیوں نے سی این این کے رپورٹر سے کیا کہا؟
?️ 21 اکتوبر 2023سچ خبریں: سی این این کے خلاف فلسطین کی عوام کے غصے
اکتوبر
اگر مزاحمتی تحریک نہ ہوتی تو پورے لبنان پر اسرائیل کاقبضہ ہوتا:شامی پادری
?️ 20 اکتوبر 2021سچ خبریں:دمشق میں کیتھولک چرچ کے پادری نے تکفیریوں اور صیہونی حکومت
اکتوبر
صیہونی نئے انتفاضہ سے پریشان
?️ 5 ستمبر 2022سچ خبریں:مغربی کنارے میں مزاحمتی تحریک اور صیہونی فوج کے درمیان لڑائی
ستمبر
صیہونی آبادکاروں کی دہشت گردی میں روز بروز اضافہ ہو رہا ہے:فلسطینی اتھارٹی
?️ 18 دسمبر 2021سچ خبریں:فلسطینی اتھارٹی نے ایک بیان میں صیہونی حکومت کی کابینہ کی
دسمبر
جرمن چانسلر کا غزہ جنگ کے فریقین سے مطالبہ
?️ 14 جون 2024سچ خبریں: جرمن چانسلر نے غزہ جنگ کے فریقین سے امریکی پیش
جون