کیا غزہ کی پٹی میں کوئی ایسی جگہ ہے جو صیہونی بمباری سے محفوظ ہو؟

🗓️ 12 نومبر 2023

سچ خبریں: غزہ کی پٹی میں رہائشی مکانات، اسپتالوں اور اقوام متحدہ کے ہیڈ کوارٹر پر صیہونی فوج کے فضائی، سمندر اور زمین سے وحشیانہ حملے جاری ہیں۔

صیہونی فوج کے جنگی طیاروں کے رہائشی علاقوں، اسپتالوں یہاں تک کہ غزہ میں اقوام متحدہ کے ہیڈکوارٹر پر وحشیانہ حملوں میں بڑی تعداد میں بے گناہ فلسطینی شہید اور زخمی ہوئے ہیں۔

یہ بھی پڑھیں: غزہ کے ہسپتالوں اور امدادی کارکنوں کے درمیان رابطہ منقطع

صیہونی جنگی طیاروں نے غزہ کی پٹی کے مختلف علاقوں پر اپنے فضائی حملوں کا سلسلہ جاری رکھتے ہوئے آج صبح غزہ کے الشفاء اسپتال کے اطراف کو بے دردی سے تباہ کردیا۔

اس کے علاوہ مہدی ہسپتال پر بمباری کے دوران جس میں سینکڑوں فلسطینی پناہ گزین موجود تھے، بڑی تعداد میں فلسطینی شہری شہید ہوئے، المیادین کے رپورٹر نے اطلاع دی ہے کہ غزہ شہر کے مغرب میں واقع الشفاء اسپتال میں تقریباً 80 شہداء کی لاشیں زمین پر پڑی ہیں۔

میڈیا رپورٹس میں الشفاء ہسپتال میں بجلی بند ہونے کے بارے میں بتایا گیا ہے،اس حکومت کے فوجی ٹینک بھی غزہ کے الشفاء ہسپتال سے 600 میٹر کے فاصلے پر تعینات ہیں۔

گذشتہ رات غزہ کی پٹی کے مختلف محوروں میں گھسنے کی کوشش کرنے پر فلسطینی مزاحمت کاروں اور صیہونی قابض فوج کے درمیان شدید جھڑپیں ہوئیں۔

المیادین کے رپورٹر نے اطلاع دی ہے کہ غزہ کی پٹی میں آٹے کی فراہمی ختم ہو گئی ہے اور معصوم فلسطینی آٹے یا روٹی کی تلاش میں ہیں۔

الجزیرہ نے بھی یونیسیف کے ایگزیکٹیو ڈائریکٹر کا حوالہ دیتے ہوئے کہا ہے کہ الشفاء ہسپتال میں بجلی کی بندش کے باعث شیر خوار بچوں کی موت کی خبیرں انتہائی تشویشناک ہیں۔

مزید پڑھیں: صیہونی اب تک غزہ کے عوام پر کتنا دھماکہ خیز مواد گرا چکے ہیں؟

فلسطینی ہلال احمر نے یہ بھی اعلان کیا کہ غزہ کے القدس اسپتال میں بچے دواؤں کی کمی اور شدید بھوک کا شکار ہیں،شائع شدہ اطلاعات کے مطابق صیہونی جنگی طیاروں نے الشفاء اسپتال کے اطراف کے علاقوں کو نشانہ بنایا ہے،الجزیرہ نے خبر دی ہے کہ صیہونی حکومت کے ڈرون نے کئی بار اس اسپتال کو نشانہ بنایا ہے۔