کیا تل ابیب کے مٹی میں ملنے کا وقت آ چکا ہے؟

?️ 7 اکتوبر 2023

سچ خبریں: صہیونی میڈیا نے اطلاع دی ہے کہ آج صبح سویرے تل ابیب سمیت جنوبی علاقوں پر راکٹ گرے اور ایک صیہونی شہری بھی مارا گیا۔

صہیونی اخبار یروشلم پوسٹ نے تل ابیب اور عسقلان کو راکٹوں سے نشانہ بنائے جانے کی اطلاع دی ہے جس کے بعد خطرے کی گھنٹیاں بجائی گئیں اور پناہ گاہیں کھول دی گئیں۔

یہ بھی پڑھیں: فلسطین سے صیہونیوں کی طرف بڑھنے والا طوفان

یروشلم پوسٹ نے اطلاع دی ہے کہ آج (ہفتہ) صبح سویرے غزہ، النقب اور تل ابیب کے آس پاس کے جنوبی علاقوں میں میزائل لگنے کے بعد کئی منٹ تک سائرن بجتے رہے۔

الجزیرہ کے مطابق اسرائیلی فوج کا کہنا تھا کہ تل ابیب میں ایک رہائشی عمارت پر راکٹ گرا جس کے نتیجے میں 70 سالہ خاتون ہلاک ہو گئی۔

دوسری جانب اسرائیل ریڈیو نے صہیونی فوج کے ترجمان کا حوالہ دیتے ہوئے اطلاع دی ہے کہ تقریباً ایک گھنٹہ قبل حماس نے ایک مشترکہ آپریشن کیا جس میں راکٹ فائر کرنا اور مزاحمتی گروپوں کا مقبوضہ علاقوں میں داخل ہونا شامل تھا۔

صہیونی میڈیا نے یہ بھی اطلاع دی ہے کہ مقامی وقت کے مطابق آج صبح ساڑھے چھ بجے سے مقبوضہ علاقوں کے جنوب سے مرکز تک خطرے کے سائرن کی آواز سنائی دے رہی ہےجبکہ درجنوں مزاحمتی راکٹ مقبوضہ علاقوں کی جانب فائر کیے گئے ہیں۔

مزید پڑھیں: جہاد اسلامی کے میزائلوں نے نیتن یاہو کو سبق سکھا دیا ہے:عطوان

صہیونی فوج نے اس بات کی تصدیق کی کہ حماس کی مزاحمتی فورسز سیدروت میں داخل ہوئیں اور مقبوضہ علاقوں میں داخل ہونے والے حماس مزاحمتی گروپ کے ارکان سے صہیونی فوجوں کی جھڑپ ہوئی ۔

درایں اثنا عسقلان کے میئر نے شہر میں تمام پناہ گاہوں کے کھلا رکھنے کا حکم دیا ہے۔