چینی درآمدات امریکہ کے ساتھ تجارتی جنگی دباو میں

چینی درآمدات امریکہ کے ساتھ تجارتی جنگی دباو میں

 امریکی جریدے نیوزویک نے چین کے محکمہ کسٹمز کے اعداد و شمار کے حوالے سے رپورٹ دی ہے کہ اگست  میں چین کی امریکہ کو برآمدات کی رفتار میں نمایاں کمی آئی ہے کیونکہ سابق امریکی صدر ڈونلڈ ٹرمپ کی جانب سے عائد کردہ محصولات نے چین کی برآمدات پر مبنی معیشت کو شدید دباؤ میں ڈال دیا ہے۔

اعداد و شمار کے مطابق اگست میں چین کی مجموعی برآمدات 321.8 ارب ڈالر تک پہنچیں جو پچھلے سال کے اسی عرصے کے مقابلے میں 4.4 فیصد زیادہ ہیں، تاہم یہ شرح جولائی میں ریکارڈ کی گئی 7.2 فیصد نمو کے مقابلے میں نمایاں کمی ظاہر کرتی ہے۔ اس کمی کی بنیادی وجہ امریکہ کو برآمدات میں بڑی گراوٹ ہے۔

ٹرمپ نے اقتدار میں واپسی کے بعد چین کے خلاف تجارتی جنگ کا آغاز کیا اور بیجنگ پر غیر منصفانہ اقدامات کے الزامات عائد کیے جو امریکی کاروبار کو نقصان پہنچا رہے تھے۔ دونوں ملکوں نے ایک دوسرے پر بھاری محصولات عائد کیے جس سے عالمی منڈیوں میں عدم استحکام پیدا ہوا اور امریکی معیشت کساد بازاری کے خدشے سے دوچار ہوئی۔ بعد ازاں مذاکرات شروع ہوئے اور کچھ حد تک کشیدگی کم ہوئی، مگر تاحال کوئی جامع تجارتی معاہدہ طے نہیں پایا۔

محصولات نے نہ صرف امریکی صارفین اور کاروباری اداروں کے لیے درآمدی اشیاء کی قیمتیں بڑھا دی ہیں بلکہ چین کی برآمدات پر بھی سخت اثر ڈالا ہے۔ اعداد و شمار کے مطابق اگست میں چین کی امریکہ کو برآمدات 33 فیصد کمی کے ساتھ 47.3 ارب ڈالر رہیں جبکہ امریکہ سے چین کی درآمدات میں 16 فیصد کمی آئی جو 13.4 ارب ڈالر ریکارڈ کی گئی۔

مجموعی طور پر چین کی برآمدات نے جنوری-فروری 2025 کے بعد سب سے سست رفتاری سے ترقی کی ہے، جب صرف 2.3 فیصد کا معمولی اضافہ ریکارڈ ہوا تھا۔

 العریان نے سوشل میڈیا پلیٹ فارم ایکس (سابقہ ٹوئٹر) پر کہا کہ یہ اعداد و شمار چین کی معیشت کے لیے خوش آئند نہیں ہیں، جو پہلے ہی بڑے چیلنجز کا سامنا کر رہی ہے، اور حکومت کو اپنے ترقیاتی ماڈل میں اصلاحات کے لیے مزید مربوط اقدامات کرنے کی ضرورت ہے۔

چین اور امریکہ نے سخت مذاکرات کے بعد 90 روزہ عبوری معاہدے پر اتفاق کیا، تاہم تجزیہ کاروں کے مطابق یہ محض وقتی وقفہ ہے۔ واشنگٹن اس مہلت کو بیجنگ پر مزید دباؤ بڑھانے اور زرعی و صنعتی شعبوں میں رعایتیں حاصل کرنے کے موقع کے طور پر دیکھ رہا ہے۔