سچ خبریں:سعودی سوشل میڈیا صارفین کا کہنا ہے کہ اس ملک کے ولی عہد شہزادہ محمد بن سلمان نے اپنے بھائی کے ملک سے باہرجانے پر پابندی عائد کرنے کا حکم دیا تھا۔
العہد الجدید ٹویٹر اکاؤنٹ نے آج (سنیچر) اعلان کیا ہے کہ سعودی ولی عہد محمد بن سلمان نے اپنے بھائی شہزادہ سلطان بن سلمان کے ملک سے باہر جانےپر پابندی عائد کرنے کا حکم دیا ہے،رپورٹ کے مطابق سعودی ولی عہد شہزادہ نے حکم دیا ہے کہ ان کے بھائی شہزادہ سلطان بن سلمان بیرون ملک کا سفر نہیں کر سکتے ہیں جس کے یہ ثابت ہوتا ہے سعودی شاہی دربار حالیہ دنوں میں انتشار کی صورتحال کا شکار ہے۔
واضح رہے کہ سعودی عرب کے شاہ سلمان بن عبد العزیز کے دوسرے بیٹے سلطان بن سلمان بن عبد العزیز ، شاہی خاندان میں شامل پہلے مسلمان خلاباز ، سابق وزیر سیاحت اور قومی ورثہ ، اور سعودی فضائی کلب کے بانی اور چیئرمین ہیں، وہ کئی دہائیوں سے سعودی فضائیہ میں پائلٹ رہے ہیں، یادرہے کہ سعودی ولی عہد شہزادہ نےایسے وقت میں اپنے بھائی کے ملک چھوڑنے پر پابندی عائد کردی ہے جبکہ وہ کسی بھی طرح کی سیاسی سرگرمی انجام نہیں دے رہے ہیں ہے۔
قابل ذکرہے کہ سعودی ولی عہد محمد بن سلمان اس سے قبل ملک میں معاشی بدعنوانی کے خلاف جنگ کے لئے ایک مہم کا آغاز کرچکے ہیں جس کے تحت انھوں نے متعدد افراد کو گرفتار کرنے کے علاوہ سعودی شہزادوں اور دولت مندوں سے تعلق رکھنے والے 2،000 سے زیادہ اکاؤنٹس کو بھی مسدود کردیا ہے۔