پشاور کے دہشت گردانہ حملے پر حزب اللہ کا رد عمل

?️ 5 مارچ 2022

سچ خبریں:لبنانی حزب اللہ نے ایک بیان جاری کر کے پاکستانی شہر پشاور میں ہونے والے دہشت گردانہ حملے کی مذمت کی ہے۔
حزب اللہ نے پشاور کے دہشت گردانہ حملے پر رد عمل کا اظہار کرتے ہوئے ایک بیان جاری کیا جس میں کہاگیا ہے کہ تکفیری دہشت گردی کا ہاتھ ایک بار پھر پاکستانی شہر پشاور کی ایک مسجد تک پہنچ گیا اور نماز جمعہ کے دوران درجنوں نمازیوں کو شہید اور زخمی کیا گیا۔

بیان میں مزید کہا گیا ہے کہ حزب اللہ اس بھیانک جرم کی شدید مذمت کرتی ہے اور ایک بار پھر تمام مذہبی حکام اور اداروں سے مطالبہ کرتی ہے کہ وہ اس منحرف نظریے کو رد کرنے اور اس کا مقابلہ کرنے میں اپنا کردار ادا کریں۔

بیان کے مطابق حزب اللہ نے پاکستانی حکام سے مطالبہ کیا ہے کہ وہ اس حملے میں ملوث دہشت گردوں کو گرفتار کریں اور انہیں سخت ترین سزائیں دیں نیز مذہبی مقامات کے تحفظ اور ایسے جرائم کے اعادہ کو روکنے کے لیے ہر ممکن اقدامات کریں۔

بیان کے آخر میں حزب اللہ نے شہداء کے اہل خانہ سے تعزیت کا اظہار کیا اور اللہ تعالیٰ سے زخمیوں کی جلد صحت یابی اور پاکستان کے عوام کے لیے امن و سلامتی کی دعا کی،یادرہے کہ مغربی پاکستان میں ایک مسجد میں ہونے والے بم دھماکے میں کم از کم 56 افراد شہید اور 190 زخمی ہو گئے ہیں جس پر ایران کی ہماری وزارت خارجہ نے اس دہشت گردانہ حملے کی مذمت کی ہے اور متاثرین کے اہل خانہ سے تعزیت کا اظہار کیا ہے۔