نیتن یاہو نے ہمیں ایران کے خلاف استعمال کیا: ٹرمپ

?️ 13 دسمبر 2021

سچ خبریں:سابق امریکی صدر ڈونلڈ ٹرمپ نے اعتراف کیا کہ سابق اسرائیلی وزیراعظم کی فلسطینیوں کے ساتھ امن کی کوئی خواہش نہیں تھی جو صدی کی ڈیل کی ناکامی کی ایک بڑی وجہ بنی۔
العہد نیوز ایجنسی کی رپورٹ کے مطابق سابق امریکی صدر ڈونلڈ ٹرمپ کا کہنا تھا کہ سابق صیہونی صدر بنجمن نیتن یاہو کبھی بھی فلسطینیوں کے ساتھ امن نہیں چاہتے تھے، ٹرمپ نے صہیونی چینل واللا کو انٹرویو دیتے ہوئے کہا کہ تل ابیب اور فلسطینیوں کے درمیان صدی کے معاہدے پر عمل درآمد میں ناکامی کی ایک بڑی وجہ یہ تھی کہ نیتن یاہو فلسطینیوں کے ساتھ امن قائم کرنے کی کوئی خواہش نہیں رکھتے تھے۔

یادرہے کہ سابق امریکی صدر نے یہ ریمارکس گذشتہ اپریل میں صیہونی صحافی براک رفیڈ کو اپنی نئی کتاب ٹرمپ پیس؛ دی ابراہم ایکارڈز اینڈ دی ریوولیوشن ان مڈل ایسٹ کے بارے میں انٹرویو دیتے ہوئے دیے،اس کتاب میں انھوں نے صیہونی حکومت اور فلسطینیوں کے درمیان معاہدے تک پہنچنے کے لیے اپنی کوششوں اور آخر کار یہ کوششیں کس طرح ناکام ہوئیں اس پر تفصیل سے بحث کی ہے۔

یادرہے کہ ٹرمپ نے جنوری 2020 میں وائٹ ہاؤس کی ایک سرکاری تقریب میں مشرق وسطیٰ کے امن منصوبے کا اعلان کیا، جسے صدی کی ڈیل کے نام سے جانا جاتا ہے اور یہ انہوں کی نظر میں تل ابیب کے حق میں اٹھایا گیا بہترین قدم تھا،تاہم اپنے سے پہلے کے دو صدور بل کلنٹن اور براک اوباما کی طرح ٹرمپ بھی اس نتیجے پر پہنچے ہیں کہ نیتن یاہو دو ممالک بنانے میں بالکل بھی سنجیدہ نہیں ہیں،انھوں نے کہا کہ مجھے نہیں لگتا کہ بیبی (نیتن یاہو) کبھی بھی فلسطینیوں کے ساتھ امن چاہتے تھے ۔