سچ خبریں:بحرین کی وزارت خارجہ نے صیہونی حکومت کے ساتھ تعلقات کو معمول پر لانے کے خلاف عرب میڈیا کے اجلاس کے انعقاد پر لبنانی حکومت سے احتجاج کیا ہے۔
رشیا ٹوڈے کی رپورٹ کے مطابق بحرینی وزارت خارجہ نے صیہونی حکومت کے ساتھ تعلقات معمول پر لانے کے خلاف اجلاس منعقد کرنے پر لبنانی حکومت سے احتجاج کیا، رپورٹ کے مطابق لبنان میں صیہونی حکومت کے ساتھ تعلقات کو معمول پر لانے کے خلاف گذشتہ بدھ کو عرب میڈیا کی موجودگی میں منعقدہ ایک اجلاس میں اس رجحان کا مقابلہ کرنے کے لیے میڈیا کی جامع حکمت عملی اپنانے کی ضرورت پر زور دیا گیا۔
بحرین کی وزارت خارجہ نے اجلاس میں موجود عرب میڈیا کے ارکان کو دشمن عناصر اور دہشت گردی کے حامی قرار دیا اور کہا کہ اس ملاقات کا مقصد بحرین کے خلاف توہین آمیز الزامات کو فروغ دینا تھا، بحرین کی وزارت خارجہ نے کہا کہ اس نے اس سلسلے میں لبنانی حکومت سے شدید احتجاج کرتے ہوئے کہا ہے کہ اس طرح کے اجلاس کی میزبانی کسی صورت قابل قبول نہیں ہے اور یہ ممالک کی خود مختاری کے احترام اور ان کے اندرونی معاملات میں عدم مداخلت کے اصولوں کی صریح خلاف ورزی ہے۔
بحرین کی وزارت خارجہ نے عرب لیگ کے سکریٹریٹ کو بھی ایک احتجاجی نوٹ بھیجاجس میں کہا گیا کہ اس نے لبنان کے غیر دوستانہ اقدام کی مذمت کی ہے، بحرین نے لبنانی حکومت سے ایسی ملاقاتوں کو روکنے کا مطالبہ کیا ہے جو اس کے بقول قابل مذمت اقدامات ہیں جن کا مقصد بحرین کی توہین کرنا ہے اور بنیادی سفارتی اصولوں اور دونوں ممالک کے درمیان مساوی برادرانہ تعلقات کی خلاف ورزی کرنا ہے۔