نیتن یاہو اور ان کی اہلیہ نے ایسا کیا کیا کہ صیہونی میڈیا میں ہنگامہ ہو گیا؟

?️ 18 اگست 2023

سچ خبریں: صیہونی اخبار ہارٹیز ایک رپورٹ شائع کرتے ہوئے نیتن یاہو پر کڑی تنقید کی، جنہوں نے حال ہی میں اپنی اور اپنی اہلیہ کی چھٹیاں گزارنے کی ایک ویڈیو شائع کی،اخبار نے مقبوضہ علاقوں کی نازک صورتحال کے لیے انہیں ذمہ دار قرار دیا۔

اسرائیلی وزیر اعظم بنیامین نیتن یاہو کی جانب سے چھٹی پر جانے کی اپنی اور اہلیہ کی ویڈیو شائع ہونے کے بعد صہیونی اخبار ہارٹیز اس ویڈیو کو "عجیب اور خوفناک” قرار دیتے ہوئے انہیں تنقید کا نشانہ بنایا۔

یہ بھی پڑھیں: صیہونی ریاست کی صورتحال اور نیتن ہاہو کی خوش فہمی

ہاریٹز نے لکھا کہ ملک جل رہا ہے اور وہ چھٹیاں منا رہے ہیں اور لطف اندوز ہو رہے ہیں، اسرائیلی وزیر اعظم بنیامین نیتن یاہو نے اس جگہ کی ایک عجیب اور خوفناک ویڈیو جاری کی ہے جہاں وہ اپنی چھٹیاں گزار رہے ہیں،انہوں نے اور ان کی بیوی نے دھوپ کا چشمہ پہن رکھا ہے اور ان کی میز پر شراب بوتلیں ہیں۔

اس رپورٹ کے مطابق نیتن یاہو ویڈیو میں کہتے ہیں کہ صورتحال بہت اچھی ہے،لطف اٹھائیں، لطف اندوز ہوں۔

ہاریٹز نے مزید لکھا کہ نیتن یاہو نے یہ ویڈیو اس وقت شائع کی جب اسرائیلی کابینہ اسرائیلی فوج کے کمانڈروں کے خلاف لڑ رہی ہے، فوج کی کارکردگی میں مسلسل کمی آرہی ہے، ریزرو فورسز کا بحران جاری ہے۔

مزید پڑھیں: صیہونی ٹیلی ویژن کا نیتن ہاہو کے بارے میں اہم اعتراف

یاد رہے کہ اس سال 4 جنوری کو نیتن یاہو کی سربراہی میں صیہونی حکومت کی کابینہ نے ایک منصوبہ پیش کیا جس میں اس حکومت کے عدالتی نظام میں اصلاحات کا دعویٰ کیا گیا، جسے اس کے مخالفین عدالتی بغاوت سے نام سے یاد کرتے ہیں اور کہتے ہیں کہ نیتن یاہو بدعنوانی، رشوت اور امانت میں خیانت کے الزام سے بچنے کے لیے یہ منصوبہ بنا رہے ہیں۔