نفرت جیت گئی فن ہار گیا

?️ 6 دسمبر 2021

سچ خبریں:ہندو انتہا پسندوں کے دباؤ نے مسلم کامیڈین منور فاروقی کو اپنا پروگرام منسوخ کرنے پر مجبور کر دیا جس کے بعد انھوں نے کہا کہ نفرت جیت گئی فن ہار گیا۔
ہندو انتہا پسند گروپوں کے دباؤ اور ان کی دھمکیوں کے بعد بھارتی کامیڈین منور فاروقی نے اپنے بارہ روزہ پروگرام منسوخ ہونے کے بعد سلسلہ وار ٹویٹس میں اعلان کیا کہ نفرت کی فتح ہوئی اور فن ناکام ہو گیا۔

انہوں نے مزید کہا کہ اس صورتحال کے ساتھ وہ مزید اپنے فنی کام کو جاری نہیں رکھ سکتے اور انہیں اپنی اسٹینڈ اپ کامیڈی کو الوداع کہنا چاہیے،رپورٹ کے مطابق اس سال کے شروع میں، ہندوتوا (ایک ہندوستانی انتہا پسند) گروپ نے منور فاروقی کے پروگرام میں خلل ڈالا اور اندور میں ان کے ساتھی کو ہراساں کیا۔

واضح رہے کہ فاروقی کو ایک پروگرام کے بعد ایک ماہ جیل بھی ہوئی جہاں سے باہر آنےکے بعد انھوں نے پھر ٹوئٹ کیا کہ میں ایک مذاق کی وجہ سے ایک ماہ کے لیے جیل میں رہا ہوں، اس سے فنکاروں کے ساتھ ناانصافی کی انتہا ہوتی ہے۔

واضح رہے کہ ہندوستانی پارلیمنٹ میں نیشنل کانگریس پارٹی کے رکن شِشی تارور نے انتہا پسندوں کی کاروائی کو افسوس ناک قرار دیتے ہوئے کہا کہ آزادی اظہار پر پابندیاں مختلف طریقوں سے استعمال کی جا رہی ہیں لیکن ایک مزاح نگار کو دھمکیاں دینا انتہائی افسوس ناک اور شرمناک ہے۔