مغربی کنارے پر صیہونی فوج کا وسیع حملہ

?️ 14 فروری 2024

سچ خبریں: صیہونی فوج نے مغربی کنارے کے مختلف شہروں اور دیہاتوں پر چھاپے مارے اور متعدد فلسطینی نوجوانوں کو بغیر کسی معقول وجہ کے گرفتار کر لیا۔

فلسطین ٹوڈے کی رپورٹ کے مطابق مغربی کنارے کے مختلف علاقوں پر صیہونی فوج نے اپنے روزانہ حملوں کا سلسلہ جاری رکھتے ہوئے قابض فوج نے آج صبح رام اللہ اور قلقیلیہ شہروں پر حملہ کیا۔

مغربی کنارے کے شمال میں واقع نابلس شہر میں گزشتہ چند گھنٹوں کے دوران صہیونی عناصر کے حملے اور فلسطینی شہریوں کے گھروں کی تلاشی کے مناظر دیکھنے کو ملے ہیں۔

یہ بھی پڑھیں: کیا مغربی کنارے کی عوام غزہ کے ساتھ ہے؟

الجزیرہ نے یہ بھی اطلاع دی ہے کہ صیہونی حکومت کے فوجیوں نے الخلیل کے مرکز میں واقع عین عرب علاقے پر چھاپہ مارا ہے،اس کے علاوہ الخلیل کے جنوب میں دورا شہر بھی قابض عناصر کے اس حملے کا شکار ہے۔

صہیونی فوجیوں نے مغربی کنارے میں فلسطینیوں کے گھروں پر حملے کے علاوہ رام اللہ میں ایک فلسطینی اسپتال پر بھی حملہ کیا، انہوں نے اس اسپتال کا محاصرہ کر لیا۔

صہیونی فوجیوں نے قلقیلیہ شہر میں فلسطینیوں کے مکانات پر حملے کے دوران محمد اور منتصر الاشہب نامی 2 آزاد ہونے والے فلسطینی قیدیوں کو دوبارہ گرفتار کر لیا۔

مزید پڑھیں: صہیونی مغربی کنارے میں ملک گیر انتفاضہ سے خوفزدہ

صہیونی عناصر کے حملے کے علاوہ طولکرم میں واقع شوکیہ علاقہ بھی صوتی بم گرائے گئے۔