سچ خبریں: فلسطینی مزاحمتی گروپ عرین الاسود نے صہیونی دشمن کو وسیع اور حیران کن حملوں کی دھمکی دی۔
العہد نیوز ایجنسی کی رپورٹ کے مطابق فلسطینی مزاحمتی گروہ عرین الاسود نے صیہونی دشمن کو مخاطب کرتے ہوئے ایک بیان جاری کیا اور اعلان کیا کہ اس فلسطینی گروہ کی افواج کی نقل و حرکت سورج کی کرن کی مانند ہو گی جسے روکنے میں صیہونی حکومت کبھی کامیاب نہیں ہو گی۔
یہ بھی پڑھیں: ہماری کوئی سرخ لکیر نہیں؛عرین الاسود کی صیہونیوں کو دھمکی
اس بیان میں کہا گیا ہے کہ صیہونی دشمن کبھی نہیں جان سکے گا کہ مزاحمت کی ضربیں ان پر کہاں، کیسے اور کب لگیں گی، ہم صہیونی دشمن سے وعدہ کریں گے کہ ان کے خلاف مزید حملے کریں گے۔
بیان میں تاکید کی گئی ہے کہ ہم فلسطینی عوام کے ہر طبقے اور ہر گروہ سے مطالبہ کرتے ہیں کہ متحد ہو جائیں اور مزاحمتی قوتوں کے پشت پناہی کریں، ہمیں مسئلہ فلسطین کے خلاف صیہونی سازش کے خلاف متحد ہونا چاہیے جس میں پہلے سے کہیں زیادہ اضافہ ہوا ہے۔
عرین الاسود نے اس بیان میں تاکید کی کہ ہمیں تنگ نظر سیاسی اور جماعتی اختلافات کو ایک طرف رکھ کر مزاحمتی قوتوں کے ساتھ متحد ہونا چاہیے اس لیے کہ فلسطین کا مسئلہ کسی بھی دوسرے مسئلے سے بڑا اور اہم ہے۔
اس مزاحمتی گروہ نے صیہونی دشمن کو مخاطب کرتے ہوئے اعلان کیا کہ چار مہینے پہلے سے، صیہونی فوجیوں، آباد کاروں اور چوکیوں کے خلاف بغیر کسی میڈیا کے اعلان کے وسیع آپریشن کیے جائیں گے۔
انہوں نے کہا کہ تل ابیب اچھی طرح جانتا ہے کہ مغربی کنارے میں مزاحمت مضبوط ہو رہی ہے ،وہ اس مسئلے کو آباد کاروں سے چھپا رہا ہے۔
اس بیان میں کہا گیا ہے کہ مغربی کنارے میں مزاحمتی قوتیں صیہونی حکومت کے خلاف یکے بعد دیگرے مزید اور حیران کن حملے کریں گی۔
مزید پڑھیں: فلسطین کی نئی مجاہد نسل کا کیا مقام ہے؟
عرین الاسود نے مزاحمتی قوتوں سے خطاب کرتے ہوئے اعلان کیا کہ فلسطینی گروہوں کے مجاہدین سیاسی مسائل کے بارے میں خاموش رہیں وہ صرف میدان جنگ کے بارے میں بات کریں جیسے ہم نے خاموشی کا انتخاب کیا اس لیے کہ یہ خوفناک خاموشی ہزاروں الفاظ سے زیادہ طاقتور اور موثر ہے، ہمارے الفاظ ہمارے ہتھیاروں سے بولتے ہیں، بیانات جاری کرنے سے نہیں۔
بیان کے آخر میں کہا گیا ہے کہ جو بھی یہ سمجھتا ہے کہ عرین الاسود گروپ ختم ہو گیا ہے یا اس کے پاس اس گروہ کے بارے میں کوئی خاص معلومات ہیں تو اسے معلوم ہونا چاہیے کہ وہ دھوکے میں ہے۔
