?️
غزہ میں قتل عام اور بھوک کا ذمہ دار اور نیتن یاہو اور اس کی کابینہ ہے:فلسطینی مزاحمتی تنظیمیں
ایرنا خبر رساں ایجنسی کی رپورٹ کے مطابق فلسطین کی بڑی مزاحمتی تنظیموں نے ایک مشترکہ بیان جاری کرتے ہوئے اسرائیلی وزیر اعظم بنیامین نیتن یاہو اور اس کی حکومت کو نوارِ غزہ میں جاری قتل عام اور بھوک پھیلانے کی منظم پالیسیوں کا براہ راست ذمہ دار قرار دیا ہے۔ ان جماعتوں نے کہا ہے کہ یہ اقدامات بین الاقوامی انسانی حقوق کی کھلی خلاف ورزی ہیں۔
یہ بیان جسے حماس، جہاد اسلامی، الجبہ الشعبیہ، الجبہ الدیموقراطیہ، الجبہ الشعبیہ (فرماندهی کل) اور ابتکارِ ملی فلسطین نے مشترکہ طور پر جاری کیا واضح کرتا ہے کہ غزہ میں جان بوجھ کر بھوک اور قحط مسلط کرنا صہیونی حکومت کی اس پالیسی کا حصہ ہے جس کا مقصد فلسطینیوں کو ان کے گھروں سے بےدخل کرنا اور نسل کشی کے منصوبے کو آگے بڑھانا ہے۔
اس بیان میں تنظیموں نے خبردار کیا کہ اسرائیلی حکومت کا یہ جارحانہ رویہ نہ صرف موجودہ مذاکراتی عمل کو ناکام بنائے گا بلکہ علاقے میں مزید کشیدگی کا سبب بنے گا جس کی مکمل ذمہ داری صہیونی حکومت اور اس کے بین الاقوامی حامیوں پر عائد ہوگی۔
بیان میں مزید کہا گیا ہے کہ نیتن یاہو ایک جنگی مجرم ہے اور اس کی کابینہ اجتماعی قتل بھوک کی جنگ اور جبری نقل مکانی جیسے اقدامات کی پوری طرح ذمہ دار ہے۔ ان اقدامات کو منظم جرم قرار دیا گیا جو انسانی حقوق اور عالمی قانون کی سنگین خلاف ورزی ہے۔
مزاحمتی جماعتوں نے امریکی حکومت کو بھی کڑی تنقید کا نشانہ بنایا اور کہا کہ امریکہ، نتانیاہو کابینہ کا مرکزی حامی ہونے کے ناطے، ان مظالم کا شریک ہے۔ انہوں نے امریکہ پر الزام عائد کیا کہ وہ اسرائیلی حکومت پر سنجیدہ دباؤ ڈالنے میں ناکام رہا، جس کی وجہ سے مذاکراتی عمل متاثر ہوا۔
بیان میں اقوام متحدہ، یورپی یونین اور دیگر عالمی اداروں کی خاموشی کو بھی شدید تنقید کا نشانہ بنایا گیا۔ جماعتوں نے کہا کہ عالمی برادری کی بےحسی، اسرائیل کو مزید جرائم کے ارتکاب پر اکسا رہی ہے۔
فلسطینی تنظیموں نے دنیا بھر کے فلسطینیوں، عرب اقوام، مسلمانوں اور آزاد خیال انسانوں سے اپیل کی کہ وہ غزہ پر جاری مظالم کو روکنے کے لیے عملی اقدامات، سیاسی دباؤ، عوامی مہمات اور میڈیا کے ذریعے اپنی کوششیں تیز کریں۔
مزاحمتی جماعتوں نے اپنے بیان کے اختتام پر کہا کہ وہ فلسطینی عوام کے ساتھ اپنے عہد کو دہراتے ہیں اور ہر ممکن طریقے سے مزاحمت جاری رکھیں گے تاکہ نوارِ غزہ کا محاصرہ توڑا جائے، اسرائیلی حملے بند ہوں اور فلسطینی قوم کو آزادی، واپسی اور خودمختاری حاصل ہو۔
مشہور خبریں۔
انگلینڈ اور فرانس کے لیے یوکرین میں جنگ کے جاری رہنے کے پانچ فائدے
?️ 13 مارچ 2025سچ خبریں: 24 فروری 2022 کو، روس نے یوکرین کی چالوں اور نیٹو
مارچ
مقبوضہ جموں و کشمیر : مسرت عالم نے علماءکے جاری کردہ فتوے کو سراہا
?️ 8 جون 2023سرینگر: (سچ خبریں) بھارت کے غیر قانونی زیر قبضہ جموں وکشمیر میں
جون
ایرانی انٹیلیجنس کا بڑا کارنامہ، اسرائیل کی خفیہ ایجنسی موساد کے درجنوں افراد کو گرفتار کرلیا
?️ 28 جولائی 2021تہران (سچ خبریں) ایرانی انٹیلیجنس نے بہت بڑا کارنامہ انجام دیتے ہوئے
جولائی
تھریڈز پر ٹوئٹ ڈیک جیسا فیچر پیش
?️ 3 جون 2024سچ خبریں: میٹا کی جانب سے مائکرو بلاگنگ ویب سائٹ تھریڈز پر
جون
یمن کے خلاف 8 سال کی جارحیت کے متاثرین کے تازہ ترین اعدادوشمار
?️ 28 اگست 2022سچ خبریں: یمن کی وزارت صحت نے آج ہفتہ کو اعلان کیا
اگست
سینیٹ انتخابات آئیں اور قانون کے مطابق ہوں گے:سپریم کورٹ
?️ 2 مارچ 2021اسلام آباد(سچ خبریں) عدالت عظمیٰ کے چیف جسٹس گلزار احمد کی سربراہی
مارچ
پبلک اکاﺅنٹس کمیٹی نے چینی کی درآمد پر ٹیکس چھوٹ کی منظوری کا نوٹس لے لیا
?️ 19 جولائی 2025اسلام آباد: (سچ خبریں) قومی اسمبلی کی پبلک اکاﺅنٹس کمیٹی (پی اے
جولائی
Kuta Offers Many Hotspots for People with Alternative Lifestyles
?️ 9 اگست 2022Dropcap the popularization of the “ideal measure” has led to advice such