غزہ جنگ میں صیہونی فوجی کیوں اندھے ہو رہے ہیں؟

?️ 7 دسمبر 2023

سچ خبریں: صیہونی محکمہ صحت کے حکام نے انکشاف کیا ہے کہ غزہ جنگ کے دوران کم از کم 100 اسرائیلی فوجی اندھے پن کا شکار ہوئے ہیں۔

صہیونی ریڈیو اور ٹیلی ویژن تنظیم نے بدھ کی شام اپنی ایک رپورٹ میں انکشاف کیا ہے کہ غزہ جنگ کے دوران کم از کم 100 اسرائیلی فوجیوں کی آنکھیں متأثر ہوئی جن میں سے کچھ بینائی سے محروم ہو گئے۔

یہ بھی پڑھیں: غزہ جنگ میں صیہونیوں کو ہونے والے نقصان کے بارے میں صیہونی میڈیا کا اہم اعتراف

صہیونی ذرائع ابلاغ نے اس حکومت کی وزارت صحت کے ایک اہلکار کے حوالے سے کہا ہے کہ آنکھوں پر لگنے والی زیادہ تر چوٹیں دھماکوں یا براہ راست گولیوں کی وجہ سے ہیں اور ان زخموں کی وجہ سے 10 سے 15 فیصد کے درمیان افراد کی ایک یا دونوں آنکھوں کی روشنی چلی جاتی ہے۔

اس اسرائیلی اہلکار نے وضاحت کی کہ غزہ جنگ کے دوران اسرائیلی فوجیوں کی آنکھوں میں چوٹ لگنے کی ایک وجہ ان کی شریپینل کے خلاف حفاظتی چشموں کا نہ پہننا ہے جس کے نتیجے میں 15 فیصد فوجیوں کی ایک یا دونوں آنکھوں کی روشنی چلی جاتی ہے۔

دوسری جانب اسرائیلی فوج نے منگل کو دعویٰ کیا کہ غزہ میں زمینی لڑائی کے آغاز سے (7 اکتوبر کو فضائی حملے شروع ہونے کے دو ہفتے بعد) 84 افراد ہلاک ہو چکے ہیں۔

مزید پڑھیں: حالیہ غزہ جنگ میں ہمیں بہت ہی معمولی کامیابیاں حاصل ہوئیں:صیہونی تجزیہ کار

جبکہ الجزیرہ کے مطابق اسرائیلی فوج نے یہ بھی کہا ہے کہ 7 اکتوبر سے غزہ جنگ میں ہلاک ہونے والے اسرائیلی فوجیوں کی تعداد 408 ہو گئی ہے۔