عنقریب خانہ جنگی ہوگی؛نصف امریکیوں کا خیال

?️ 23 جولائی 2022

سچ خبریں:ایک سروے کے نتائج کے مطابق نصف امریکی عوام آنے والے برسوں میں خانہ جنگی کی توقع رکھتے ہیں۔
ہل نیوز ویب سائٹ کے مطابق یونیورسٹی آف کیلیفورنیا کے محققین، اینٹی وائلنس ریسرچ پروگرام اور کیلیفورنیا سینٹر فار وائلنس ریسرچ نے مل کر امریکہ میں خانہ جنگی کے واقعات پر ایک سروے کیا، اس سروے کے نتائج کے مطابق 50.1 فیصد امریکیوں نے کہا کہ وہ اس بات سے متفق ہیں کہ امریکہ میں جلد خانہ جنگی ہو گی، دوسری طرف، 47.8% امریکہ کے خانہ جنگی کے قریب ہونے سے متفق نہیں ہیں۔

اس سروے میں حصہ لینے والوں میں سے 14% یقینی یا بہت یقینی طور پر خانہ جنگی کے قریب ہونے سے متفق ہیں جبکہ 36% جزوی طور پر اس بیان سے متفق ہیں، سروے کے نتائج کے مطابق دو تہائی امریکیوں کا کہنا ہے کہ ان کے ملک میں جمہوریت کو سنگین خطرے کا سامنا ہے اور 90% کا خیال ہے کہ امریکہ میں جمہوریت کی اہمیت زیادہ یا بہت زیادہ ہے۔

اس کے باوجود اس سروے میں 20 فیصد سے زیادہ شرکاء کا خیال ہے کہ سیاسی تشدد کا استعمال کم از کم کچھ معاملات میں عام طور پر جائز ہے، تقریباً 20% بھی یقنی طور پر اس نظریے سے متفق ہیں کہ جمہوریت کے تحفظ کے لیے تشدد جائز ہے، مزید دلچسپ بات یہ ہے کہ اس سروے میں حصہ لینے والوں میں سے ایک تہائی کا خیال ہے کہ انتخابی نتائج کو چوری ہونے سے روکنے کے لیے تشدد کا استعمال کم از کم جزوی طور پر جائز ہے۔