عراقی کوروانا اسپتال میں آتشزدگی کے نتیجہ میں ہونے والی ہلاکتوں کی تعداد 124 ہوگئی

🗓️ 14 جولائی 2021

سچ خبریں:عراقی ذرائع کا کہنا ہے کہ اس ملک کے شہر ناصریہ کے کورونا اسپتال میں لگی آگ سے ہلاک ہونے والوں کی تعداد 124 ہوگئی ہے۔
عراقی شہری دفاع مرکز نے بتایا کہ ناصریہ میں واقع امام حسین اسپتال میں لگی آگ سے ہلاک ہونے والوں کی تعداد 124 ہوگئی ہےجبکہ ممکن ہے کہ آگ سے تباہ ہونے والی عمارت کے نیچے اب بھی کچھ لوگ موجود ہوں، رپورٹ کے مطابق عراق کے صوبہ ذی قار کے امام حسین اسپتال میں کورونا مریضوں کے وارڈ میں اچانک آگ بھڑک اٹھی۔

واضح رہے کہ منگل کی صبح پیش آنے والےآتشزدگی اس واقعے کے بعد ذی قار صوبے کے محکمۂ صحت کے ڈائریکٹر ، اسپتال کے سربراہ اور صوبے کے فائر شعبہ کے سربراہ کو گرفتار کرلیا گیا،درایں اثناذی قار کے گورنر نے کل پورے صوبے میں عام سوگ کا اعلان کیا تھا۔

واضح رہے کہ اس واقعے نے جہاں ایک طرف عراقی حکام کی طرف سے ایک ردعمل کو ہوا دی،وہیں عراقی صدر برہم صالح نے کہا کہ امام حسین اسپتال اور اس سے قبل ابن الخطیب اسپتال میں پیش آنے والا واقعات بدعنوانی اور بدانتظامی کا نتیجہ تھے جس نے ملک میں جڑ پکڑ لی ہے اور اس کا مقابلہ کرنا ہوگا،دوسری طرف عراقی وزیر اعظم مصطفی الکاظمی نے حادثہ کے ہنگامی اجلاس طلب کیا جس کے متعدد وزرا اور سیاسی شخصیات نے شرکت کی،اجلاس میں حادثے کی وجوہات اور اس کے نتائج کا جائزہ لیا گیا نیز فوری طور پر امدادی کاروائی انجام دینے کا حکم دیا گیا۔