سعودی شہر الخرج میں گولہ بارود کے ڈپو میں دھماکہ

?️ 14 جولائی 2021

سچ خبریں:سعودی وزارت دفاع نے اعلان کیا ہے کہ الخرج شہر میں گولہ بارود کے ایک ڈپو کو دھماکے سے اڑا دیا گیا ہے۔
روس ٹوڈے کی رپورٹ کے مطابق سعودی وزارت دفاع نے بتایا کہ ریاض کے باہر گولہ بارود کا ڈپو دھماکے سے اڑا دیا گیا ،سعودی وزارت دفاع کے مطابق ، ریاض کے جنوب مشرق میں واقع الخرج شہر کے قریب ایک علاقے میں ایک غیر استعمال شدہ گولہ بارود کا ڈپو دھماکے سے اڑا دیا گیا،واضح رہے کہ یہ خبر الخرج کے قریب گھنے دھویں کے آسمان کی طرف اٹھنے کی تصاویر سوشل میڈیا پر شائع ہونے کے بعد سامنے آئی ہے جس کے بعد سعودی سرکاری ٹیلی ویژن نے اس کی تصدیق کی ہے۔

بتایا جاتا ہے کہ اس دھماکے میں کوئی جانی نقصان نہیں ہوا ہے جبکہ اس کو ایک حادثہ قرار دیا گیا ہے،واضح رہے کہ الخرج شہزادہ سلطان ایئر بیس کے قریب واقع ہے اور یہ ایک ایسی جگہ ہے جہاں امریکی افواج تعینات ہیں،تاہم امریکی فوج نے اس پر کوئی تبصرہ نہیں کیا ہے۔