عراقی عوام اربیل میں صہیونی کانفرنس کے مجرموں کو سزا دے گی:نجباء تحریک

?️ 26 ستمبر 2021

سچ خبریں:عراقی اسلامی مزاحمتی تحریک نجباء کے سکریٹری جنرل نے زور دیاکہ عراقی عوام اربیل میں صہیونی اجلاس منعقدکرنے والےمجرموں کو سزا دیں گے۔

نجباء تحریک کے انفارمیشن آفس کی رپورٹ کے مطابق اسلامی مزاحمتی تحریک کے سکریٹری جنرل شیخ اکرم الکعبی نے کردستان ریجن کے شہر اربیل میں حالیہ صہیونی اجلاس پر رد عمل ظاہر کیا،رپورٹ کے مطابق ، نجباء اسلامی مزاحمتی تحریک کے سکریٹری جنرل نے اربیل کے اجلاس کو ایک نمائشی اور دکھاوے پر مبنی عمل قرار دیا اور مزید کہاکہ یہ ملاقات عراق کےکچھ بے غیرت اور غدار لوگوں نے منعقد کی اور اس کا مقصد صیہونیوں کے ساتھ تعلقات کو معمول پر لانے کی کوشش کرنا تھا۔

انھوں نے مزید کہا کہ غاصب صہیونی حکومت کے اس طرح کے اقدام سے فلسطین اور قابض صہیونی حکومت کے مسئلے پر عراق کا اصولی اور تاریخی موقف تبدیل نہیں ہوگا،الکعبی نے اس بات پر زور دیا کہ عراق میں غداروں اور صیہونیوں کے ساتھ سمجھوتہ کرنے والوں کی کوئی جگہ نہیں ہے،وہ ہر طرح سے مر چکے ہیں اور عراق کی معزز قوم ان کو ان کے اعمال کی سزا دے گی۔

اسلامی مزاحمت نجباء کے سکرٹری جنرل نے KRG کو اس طرح کی میٹنگ منعقد کرنے کے ساتھ ساتھ خطے میں صہیونی جاسوس عناصر کی موجودگی کا ذمہ دار ٹھہراتے ہوئے مزید کہاکہ یہی صیہونی عناصر کردستان کے کمزور ارکانوں کو خرید کر اس طرح کی میٹنگیں کرتے ہیں۔

انہوں نے کہا کہ عراق فلسطین کے خلاف صیہونیوں کےظلم اور قبضے کے خلاف آواز نیز اس سرزمین کی آزادی کا پیش خیمہ ہوگا، القدس ہماری مزاحمت کا نعرہ باقی رہے گا۔