صیہونی جیلوں میں 40 فلسطینی قیدیوں کی بھوک ہڑتال

?️ 26 مئی 2023

سچ خبریں:صیہونی جیلوں میں40 فلسطینی قیدی جیلوں کی صورتحال اور فلسطین لبریشن فرنٹ کے سکریٹری جنرل احمد سعدات کے خلاف صیہونی حکومت کے غیر انسانی اقدامات کے خلاف بھوک ہڑتال کرنے کا منصوبہ بنا رہے ہیں۔

صیہونی جیلوں میں قید فلسطینوں کے امور میں سرگرم فلسطینی مرکز حنظلہ نے اعلان کیا ہے کہ 40 فلسطینی قیدی اپنے حالات کے خلاف احتجاج کرتے ہوئے بھوک ہڑتال سمیت مختلف اقدامات کرنے کا منصوبہ بنا رہے ہیں۔

رپورٹ کے مطابق حنظلہ فلسطینی مرکز نے اعلان کیا کہ ان قیدیوں کا تعلق فلسطین لبریشن فرنٹ سے ہے جو جدوجہد کے مختلف طریقے اپنانے کا ارادہ رکھتے ہیں، جن میں غیر معینہ مدت کی بھوک ہڑتال بھی شامل ہے۔

اس مرکز نے اعلان کیا کہ فلسطینی قیدیوں کا یہ فیصلہ صہیونی محکمہ جیل کی طرف سے فلسطین لبریشن فرنٹ کے سکریٹری جنرل احمد سعدات کے خلاف کیے جانے والے غیر انسانی سلوک اور انہیں دیگر قیدیوں سے الگ کرنے کے خلاف احتجاج میں کیا گیا ہے۔

اس حوالے سے فلسطینی سما نیوز ویب سائٹ نے ایک اور خبر میں اعلان کیا ہے کہ صیہونی حکومت جلد ہی تین فلسطینی نوجوانوں کو رہا کرے گی جن کے نام الشبان علی شریف، خالد شریف اور رضی شریف ہیں، اس شرط پر کہ وہ45 دن تک مسجدالاقصیٰ سے دور رہیں گے۔

یاد رہے کہ فلسطینی سرزمین کے اصل مالکان کے خلاف صیہونی حکومت کے مسلسل دباؤ اور ظلم و جبر دن بدن بڑھتا جا رہا ہے جب کہ مشرق وسطیٰ کے لیے اقوام متحدہ کے ہائی کمشنر کے ترجمان ٹور ونس لینڈ نے فلسطینیوں کے لیے فوری غذائی امداد کے لیے مالی بحران کے بارے میں خبردار کیا ہے۔