سچ خبریں:ایک صیہونی آباد کار نے آج صبح ایک فلسطینی خاتون کو گاڑی کے نیچے کچل کر شہید کر دیا۔
فلسطین الیوم ویب سائٹ کی رپورٹ کے مطابق ایک 60 سالہ فلسطینی خاتون کو آج (جمعہ) کی دوپہر سے قبل رام اللہ کے قریب صہیونی آباد کار نے گاڑی کے نیچے کچل کر شہید کر دیا،رپورٹ کے مطابق یہ دہشت گردانہ واقعہ رام اللہ سے نابلس جاتے ہوئے سنجل گاؤں کے قریب پیش آیا جس میں فلسطینی ساٹھ سالہ خاتون کو شدید زخمی خاتون کو اسپتال لے جایا گیا لیکن بعد میں وہیں شہید ہوگئیں۔
واضح رہے کہ اس حادثے کو انجام دینے کے بعد موقع سے فرار ہونے والےصیہونی آبادکار نے 2014 میں "ایناس شوکادار” اور "توالن عصفور” نامی دو بچوں کو اپنی گاڑی کے نیچے کچلا تھا جن میں پہلا شہید اور دوسرا مفلوج ہو گیا تھا، تاہم صیہونی حکومت کی پولیس نے دعویٰ کیا کہ آج کا حادثہ عام ڈرائیونگ کا واقعہ تھا۔
واضح رہے کہ حالیہ دنوں میں صیہونی آباد کاروں کے فلسطینی دیہاتوں اور زرعی اراضی پر حملوں کی تعداد میں اتنا اضافہ ہوا ہے جس کے تحت انہوں نے نابلس کے شمال میں واقع گاؤں برقہ میں لوگوں کے گھروں پر حملہ کیا، کھڑکیاں توڑ دیں اور درخت کاٹ ڈالے،ادھر پیر کے روز اسرائیلی فوج نے مغربی کنارے میں اپنے فوجیوں پر پتھر پھینکنے یا مولوٹوف کاک ٹیل کے بہانے فلسطینی نوجوانوں پر گولی چلانے کی ہری جھنڈی دے دی اور نئی ہدایات کے مطابق اسرائیلی فوجی حمایت کے بہانے فلسطینیوں کے گھروں پر حملہ کر سکتے ہیں اور انھیں گولی مار سکتے ہیں۔
