شام میں ایک بار پھر امریکہ کی شامت

?️ 19 اکتوبر 2023

سچ خبریں: میڈیا ذرائع نے شام کے علاقے التنف میں واقع امریکی بیس پر ڈرون حملے اور کونیکو گیس فیلڈ میں قابض فوجی اڈے پر راکٹ حملے کی اطلاع دی۔

میڈیا ذرائع نے شام کے جنوب مشرق میں اور عراقی سرحد کے قریب واقع التنف میں امریکی افواج کے اڈے پر ڈرون حملے کی اطلاع دی۔

المیادین نیوز سائٹ نے اطلاع دی ہے کہ التنف میں امریکی بیس کو تین ڈرونز کے ذریعے نشانہ بنایا گیا تاہم ابھی تک نقصان کی مقدار معلوم نہیں ہوسکی ہے۔

یہ بھی پڑھیں: شام میں امریکی مشکوک نقل و حرکت

واضح رہے کہ التنف بیس شام کے جنوب مشرق میں امریکی فوج کا سب سے اہم اڈا سمجھا جاتا ہے جو شام، عراق اور اردن کی سرحدی مثلث میں واقع ہے۔

غور طلب ہے کہ دہشت گرد گروہ مغاویر الثورہ کا ہیڈکوارٹر بھی اس اڈے کے اندر اور امریکی افواج کے قرب و جوار میں واقع ہے۔

دوسری جانب صابرین ٹیلی گرام چینل نے التنف پر ڈرون حملے کی خبر شائع کرنے کے ساتھ ساتھ مشرقی شام اور دیر الزور میں واقع کونیکو گیس فیلڈ میں امریکی قابضین کے اڈے کو راکٹ سے نشانہ بنائے جانے کی اطلاع دیتے ہوئے لکھا کہ باخبر ذرائع نے اس بیس میں کئی دھماکوں کی آواز سنی تاہم ابھی تک کسی فریق نے ان حملوں کی ذمہ داری قبول نہیں کی۔

مزید پڑھیں: شام میں امریکی اڈوں پر ہونے والے حملے میں 8 فوجی زخمی:پینٹاگون کا اعتراف

یاد رہے کہ کونیکو گیس اسٹیشن مشرقی شام میں دیر الزور کے مضافات میں واقع ہے اور یہ امریکی قابض افواج کے کنٹرول میں ہے۔